9.8M Pinoy jobless
MANILA, Philippines — Naghahanap na ngayon ang Malacañang ng mga paraan para maresolba ang problema sa joblessness sa bansa.
Sinabi ni Presidential Spokesperson at Chief Presidential Legal Counsel Salvador Panelo na kinokonsidera ng Malacañang ang resulta ng Third Quarter 2018 survey ng Social Weather Stations (SWS) na nagpapakita na 22 percent na ang adult joblessness ngayon sa Pilipinas.
Tinukoy sa naturang survey na nasa humigit kumulang 9.8 million adult Filipino ang walang trabaho noong third quarter ng 2018.
Sinabi pa ni Panelo na ang Ease of Doing Business Act na nilagdaan kamakailan ni Pangulong Duterte ay naglalayong gawing “streamlined” ang business process sa bansa at bawasan din ang pagproseso sa lahat ng mga ahensya ng pamahalaan para gawing conducive ang bansa sa mga investments na magreresulta rin sa maraming trabaho para sa mga Filipino.
- Latest
