Pinsala ni Ompong sa agri dahilan ng mataas na inflation
MANILA, Philippines — Sinisi ng Malacañang ang pananalasa sa agrikultura ni bagyong Ompong na isa sa dahilan sa mataas na inflation rate at ang pagtaas ng bilang ng mga Filipino na itinuturing ang kanilang sarili na lalong humirap ang buhay, sa pinakahuling survey ng Social Weather Station (SWS).
Lumitaw sa 3rd quarter 2018 survey ng SWS na 52 percent ng pamilyang Pinoy ang itinuturing ang kanilang sarili na mahirap.
Pumalo sa 6.7 percent ang inflation rate nitong September na pinakamataas sa nakaraang 9 na taon habang 6.3 % ang naging inflation rate noong Agosto.
“For one, the destruction to agriculture and infrastructure caused by Typhoon Ompong in the Cordillera, Ilocos, and Cagayan regions contributed to higher inflation. This would explain why self-rated poverty in Balance Luzon rose to 47 percent in September,” sabi ni Presidential Spokesman Harry Roque.
Ayon kay Roque, gumagawa na ng hakbang ang gobyerno upang maibsan ang epekto ng inflation at maibaba ang presyo ng pangunahing produktong agrikultural.
- Latest