Minimum buying power ng manggagawa, lumiliit
MANILA, Philippines — Paliit na nang paliit ang halaga ng kayang gastusin ng isang manggagawa sa pribadong sektor na aabot na lamang sa P200 kada araw.
Batay iyan sa isinagawang monitoring at evaluation ng Alliance of Labor Unions-Trade Union Congress of the Philippines (ALU-TUCP) mula noong buwan ng Hunyo.
Ayon kay Alan Tanjusay, tapagsalita ng ALU-TUCP, katumbas na lamang ng nasabing halaga ang aabot sa P335 minimum wage na tinatanggap ng mga manggagawa.
Ito’y dahil aniya sa sobrang mahal ng mga pangunahing bilihin na karaniwang isinisisi naman sa inflation at mas mataas na buwis na ipinapataw sa ilang mga produkto.
Magugunitang sinabi noon ng NEDA o National Economic Development Authority na hindi bababa sa P44,000 kada buwan o P1,400 kada araw ang kailangan ng isang pamilyang may limang miyembro para makapamuhay ng disente.
- Latest