Noy ‘di makakadalo sa SONA
MANILA, Philippines — Hindi makakadalo si dating Pangulong Noynoy Aquino sa ikatlong State of the Nation Address (SONA) ni Pangulong Duterte sa darating na Hulyo 23.
Kinumpirma ito ng Inter Parliamentary Relations and Special Affairs Bureau (IPRSAB) ng Kamara.
Ayon sa IPRSAB, nagpasabi na raw si Aquino na hindi siya makakadalo sa SONA ni Pangulong Duterte ngayong taon.
Matatandaan na hindi rin dumalo si Aquino maging sa pinaka-una at pati rin sa pangalawang SONA ni Duterte.
Samantala, dadalo naman dito sina dating Pangulong Fidel Ramos, Joseph Ejercito-Estrada, at Gloria Macapagal-Arroyo.
Pupunta rin sina dating Senate Presidents Juan Ponce Enrile, Aquilino “Nene” Pimentel Jr., at Manny Villar, gayundin si dating House Speaker Jose de Venecia Jr.
Kumpirmado na rin ang attendance ni Vice Pres. Leni Robredo sa ikatlong SONA ni Duterte.
- Latest
