‘Backchannel’ talks sa CPP-NPA gumulong na
MANILA, Philippines — Gumugulong na ang ‘backchanneling talks’ sa pagitan ng gobyerno at CPP-NPA-NDF.
Magugunita na mismong si Pangulong Duterte ang nag-anunsiyo noong Abril 3 sa Oriental Mindoro na bibigyan niya ng huling pagkakataon ang mga communist group na ituloy ang peace talks sa gobyerno pero dapat ay maging sinsero sila sa pagkakataong ito.
“Kaya pwede tayong mag-usap. Hintuan ninyo ang revolutionary government, huwag na kayong mag-sunog in the name of taxation kasi kaawa ‘yung mga negosyante.
“In the meantime na kung gusto niyo talagang totohanan, is you stop immediately, you and I ceasefire tayo. Ni walang isang putok, maski labintador and I would be happy,” wika pa ng Pangulo noon sa kanyang mensahe sa Mindoro.
Hinikayat pa mismo ni Duterte si CPP founding chairman Jose Maria Sison na umuwi ng bansa upang makiisa sa peace talks at handa niyang bayaran ang anumang gagastusin nito sa pag-uwi sa bansa.
Binigyan naman ng 60 days ng Pangulo ang peace talks upang magkaroon ng resulta kasabay ang paniniguro nito sa mga NPA at communist leaders kahit kay Joma Sison na puwede silang bumaba mula sa bundok na walang aaresto sa kanila.
- Latest