95-anyos lola dedo sa sunog
TUGUEGARAO CITY, Cagayan, Philippines – Namatay ang 95-anyos na lola matapos itong makulong sa nasunog na bahay sa Barangay 4 San Simon, bayan ng Bacarra, Ilocos Norte kamakalawa. Base sa police report na nakarating kay P/Chief Insp. Dexter Corpuz, tagapagsalita ng Ilocos Norte PNP, bed ridden na ang biktimang si Lola Flora Sales at hindi na nagawang makalabas habang nilalamon ng apoy ang kanyang bahay dakong alas-4 ng hapon.?
Mabilis na kumalat ang apoy sa bahay ng matanda kung saan hindi pa natutukoy ang pinagmulan ng apoy dahil gawa lamang ito sa magagaan na materyales. Nabatid na ang biktima ay naiwan sa pangangalaga ng kanyang 65-anyos na anak na si Delia Sales nang ito ay lumabas upang bumili ng makakain. Gayunman, pagbalik ni Sales ay nilalamon na ng apoy ang kanilang bahay.
- Latest