‘Ompong’ tatagal pa sa Pinas
MANILA, Philippines - Tatagal pa ang super typhoon Ompong sa ating bansa dahil sa napakabagal nitong pagkilos.
Kahapon, si Ompong ay namataan sa layong 890 kilometro silangan ng Calayan, Cagayan taglay ang lakas ng hangin na umaabot sa 215 kilometro bawat oras malapit sa gitna at may pagbugso na umaabot sa 250 kilometro bawat oras.
Si Ompong ay kumikilos pahilaga sa bilis lamang na 9 na kilometro bawat oras.
Walang direktahang epekto si Ompong sa ating bansa dahil gumilid lamang ito hanggang sa labas ng PAR sa Linggo ng hapon.
Nakakaapekto naman sa katimugang bahagi ng ating bansa ang intertropical convergence zone (ITCZ) o ang pagsasalubong ng hangin mula sa silangan at kanluran kayat may ilang lugar ang dumaranas ng pag-uulan sa hapon o sa gabi kagaya sa Metro Manila at karatig lalawigan.
Maaliwalas naman ang panahon sa Visayas at Mindanao na may paminsan-minsang pag-ulan dulot ng thunderstorms.
- Latest
