Nagbebenta ng ‘botcha’ kulong ng 10 taon

MANILA, Philippines - Makukulong ng 10 taon ang mga mapapatunayang nagbebenta ng mga ‘botcha’ o double dead na karne at multang P1-milyon sa ilalim ng bagong batas na nilagdaan ni Pangulong Benigno Aquino lll, ayon kay Deputy Presidential Spokesperson Abigail Valte.

Kabilang din sa inam­yendahang batas ang illegal na pagbiyahe, pagluluwas at unregistered na mga karne na ipinasok sa bansa upang masiguro na ang mga karne na ibinebenta ay ligtas kainin ng publiko.