Balota hindi mapepeke -- Comelec
MANILA, Philippines - Tiniyak ng Commission on Elections (Co melec) na hindi madaÂling mapeke ang balota na gagamitin sa nalalapit na halalan sa Mayo 13.
Ayon kay CoÂmelec Chairman Sixto Brillantes, Jr., marami silang safeguards na inilagay sa balota, na gawa mula sa imported na papel, upang matiyak na hindi ito mapepeke.
Kabilang sa mga naturang safeguards ang UV light at bar code na inilagay sa bawat isang balota bukod pa sa dalawang security feature na idinagdag ang Comelec sa balota ngunit hindi na ito isiniwalat pa sa media.
Siniguro rin ng poll body na kasado na ang lahat para sa pag-iimprenta ng official ballots.
Target ng National Printing Office (NPO) na makapag-imprenta ng isang milyong balota kada araw.
Ang kabuuang iliÂlimbag na balota ay 52,017,360 na ayon sa NPO ay posibleng tuÂmagal ng 65 araw.
Ang bawat balota ay papasok ng tatlong ulit sa may 156 PCOS machines upang maiwasan ang pangamba na hindi basahin ng mga makina ang balotang iimprenta.
Umaasa ang CoÂmelec na magiging maÂayos ang kanilang sistema upang maiwasan ang anuÂmang mga aberÂya at isyu.
- Latest