Walang job opening ng nurses sa UK
MANILA, Philippines - Walang job opening ng mga nurse sa United Kingdom (UK), ayon kay Philippine Overseas Employment Administration (POEA) Administrator Hans Leo Cacdac makaraang makatanggap ng impormasyon na may ilang recruitment agency sa bansa na nangangalap ng mga Filipino Nurse patungo ng UK.
Layunin ni Cacdac na hindi mabiktima ng mga mapansamantalang recruitment agency ang mga bagong graduate ng kursong Nursing na nagnanais magtrabaho sa UK.
Base sa nakalap na impormasyon ng POEA mula sa Professional Regulation Commission (PRC) na may kabuuang 27,823 nursing graduates ang nakapasa sa June 2012 Nurse Licensure Examination.
Payo ng POEA sa mga wala pang trabahong nurse sa bansa na mas magandang makipag-ugnayan muna sa kanila kung may mga recruitment agency na nag-aalok sa kanila ng trabaho sa UK upang hindi sila mabiktima ng mga kawatan.
- Latest
- Trending