Meralco bill sa Mayo bababa

MANILA, Philippines - Bababa ang singil sa kuryente ngayong buwan ng Mayo base sa ma­babang halaga ng kur­yente mula sa independent power producers (IPP).

Ayon sa Manila Electric Company, malaki ang naibaba sa generation cost ng supplier ng Me­ralco na nagbunsod ng pagbaba ng fuel cost noong Abril.

Sinabi ni Ivanna dela Peña, VP at head of utility economics na bunsod ito ng 59.70-centavo drop in ng generation charge, mula sa P5.0205 per kilowatt-hour noong Abril sa P4.4235 per kwh nga­yong Mayo.

Bunsod nito, ang isang residential client na nagba­bayad ng  hala­gang P733.72 na may konsumong 100 kwh ng kuryente noong Abril ay inaasahan na mababa­wasan ng P57.62 nga­yong buwan.

Sa mga komukunsu­mo naman ng 200-kwh kada buwan ay mababa­wasan ng P165.02.

Bumaba din sa 19.55 centavos ang rate ng National Power Corp. Ang Napocor ay nagsusuplay ng 36.4 percent ng electricity requirement ng Me­ralco. (Angie dela Cruz)