Babalik na sa bansa ang isang Pilipinong na-‘comatose’ at nagmistulang gulay ang katawan matapos ang isang car accident sa Ras Al Khaimah, United Arab Emirates noong nakaraang taon.
Sa ulat na tinanggap ng Department of Foreign Affairs (DFA), si Eulogio Aquino Jr, 34, tubong Pangasinan at nagtapos ng management degree, ay kasalukuyan pang nakaratay sa Saqr Hospital sa Ras Khaimah mula pa noong Oktubre 3, 2006.
Si Aquino ay malubhang nasugatan sa aksidente kumpara sa dalawa nitong kasamahan. Kinailangan pang gamitan ng acetylene ang nagkayupiyuping sasakyang kanyang kinalululanan upang makuha ito sa loob ng behikulo.
Ayon sa kapatid nitong si Gay, sampung porsiyento lamang ang naging tsansang mabuhay ng biktima nang dalhin ito sa Intensive Care Unit ng Saqr Hospital. (Joy Cantos)