Magsasaka umalma sa coco levy

Hinihiling ng walong samahan ng mga magsasaka sa niyugan ang pagbibitiw nina Senate President Franklin Drilon at Sen. Joker Arroyo sa kanilang mga tungkulin kaugnay sa usapin ng coco shares sa pagitan ng San Miguel Corp.

Nagkaisa sa panawagan ang Pambansang Koalisyon ng mga Magsasaka at Manggagawa sa Niyugan, Liga Magniniyog, Pambansang Kilusan ng mga Samahan ng Magsasaka (PAKISAMA), AMMANI, PASLEY, Small Coconut Farmers Organization (SCFO), KAMPIL at Buklod.

Ayon sa grupo, nagkakaisa sila sa amicable settlement ukol sa coco levy kung saan binatikos nila ang umano’y "vested interests" ni Drilon sa usapin ng coco levy.

Sinabi ng grupo na may pagkakataon ang dalawang senador noon na mabawi ang coco levy fund subalit wala umano silang ipinakitang malasakit sa kanila.