Elcid migama og digital series

Adunay mga sitwasyon nga maghatag og bug-at nga hagit sa tagsa-tagsa ka mga tawo ug dinhi mag-ugat ang pipila ka kagubot apan dunay mga solusyon nga nagpahipi niini.

Kini maoy dagan sa istorya sa ginama nga bisaya digital series ni Mister Universe 2022 Elcid Camacho nga nag-ulohan og   "Atong Storya, Among Storya". Usa si Elcid sa mga bida ug siya usab ang nagsilbing direktor ug writer niini.

Niabag usab kaniya sa pagsulat niini mao sila si Gwen Joyce, TJ Villacampa, Herve Marie Loquellano Ibon ug French Bonn Petallo. Ang ubang mga bitoon sa maong digital series mao sila si Skye Mariveles,TJ Villacampa, Jessel Regis, Kyle Dwight Sabinay Bibam Lim, Douglas Aldea, Jay La Quica, Okay Kuz, Gwen Joyce, Attia Marzouk  Cheska, Mike Mamba ug Bong CaTa.

  Ang "Atong Storya, Among Storya" nga ubos sa Wolfpack Productions kay makita sugod karong Hunyo 12, 2023 pinaagi sa Bisayaflix.com.

Saysay pa ni Elcid nga pinaagi sa proyekto nga iyang gihuptan, makatabang kini alang sa pag-ugmad sa entertainment industry sa Sugbo ilabi na sa natad sa pag-arte.

Mao usab kini ang taytayan alang sa pagpalambo sa mga abilidad sa local talents.

Mga orihinal nga awit usab ang  madunggan nga background songs sa maong digital series.