CEBU, Philippines — Action movie ang target ni Donny Pangilinan nga mamahimo niyang project sa umaabot. Kini maoy iyang gibutyag sa Star Magic Celebrity Conversations.
"Well I've always said I wanted to do an action role, alam ng lahat 'yan, abroad or Hollywood, to bring it there. Hopefully something Philippine-related. That would be cool. That's a dream I also have," niya pa. Gibutyag sab ni Donny sa maong interview nga sa sinugdanan na-pressure gyud siya sa iyang pagsulod sa showbiz sanglit labihan ang expectation sa mga tawo gikan niya sanglit showbiz royalty man siya. Niingon sab si Donny nga gumikan sa mainitong suporta sa fans, padayon gyud siya nga naningkamot.
"I'm very blessed to be in this industry and to be in this position kasi bihira 'yun eh na may voice ka to make people inspired, motivated, to make them happy when they see your shows, your series," niya pa.
Padayon ni Donny, "That for me 'yung parang pinakamalaking reason kung bakit ko ginagawa 'to. And of course God hindi mawawala 'yun." Dako sab ang pasalamat niya sa iyang ka loveteam nga si Belle Mariano gumikan sa suporta niini kaniya on ug off cam. "We're good. You know a lot of the times sobrang pagod talaga kami, that's true talaga, kasi 'yung mga sequences namin hindi biro. But I am so glad that I get to spend it with her kasi I feel like kahit sobrang wala na kami [energy] nakukuha namin 'yung energy ng isa't isa."
May pa Abs...
Atua sa Palawan ang mga kandidata sa Miss Universe Philippines 2013. Abs kun abs ang labanan sa pipila kanila didto. Aniay pipila ka hulagway nga naglakip kang Miss Makati Michelle Dee, Miss Baguio Krishna Gravidez, Miss Lapu-Lapu Claire Inso, Miss Cavite Samantha Panlilio. Ang mga hulagway gikan sa IG accounts nila ni Michelle ug Krishna.
Daddy Rad...
Mabdos ang longtime-girlfriend ni Daniel Radcliffe nga si Erin Darke, kinsa usa sab ka aktres. Usa ka dekada na nga magkarelasyon ang duruha, human sila nagkaila sa set 2013 drama Kill Your Darlings. Buot pasabot, mamahimo na nga daddy ang kanhi cutie nga bida sa hit movie series Harry Potter.
Private Concert uy!
Nahugyaw ang followers, lakip na celebrity friends ni Dra. Vicki Belo, human niya gi-upload ang video clip nga didto sa iyang panimalay ang magtiayong David Foster ug Katherine McPhee niadtong Biyernes. Nag-piano ang sikat nga singer/composer nga si David, samtang niawit og "Smile" ug "Terrified" ang iyang asawa. Komento sa netizens, lahi ra gyud ang level sa kadato ni Belo kay nag-private concert gyud. Nipahigayon og special concert ang mga nahisgutan sa The Theatre niadtong March 21 kauban sila si American Idol contestant Pia Toscano, America's Got Talent alumnus Daniel Emmet, ug Filipino artists Martin Nievera ug Morissette.
Deia Amihan Calzado Wintle
Niadtong Enero pa diay gihimugso ni Iza Calzado ang unang anak nila sa iyang bana nga si Ben Wintle. Kini maoy gibutyag sa aktres niadtong Domingo pinaagi sa usa ka IG post. Suma pa, January 26, 2023 siya nanganak, usa ka adlaw human niya gipahibawo nga mo-lie low una sila sa social media aron pangandaman ang pag-abot sa ilang unang liwat. Babay ang bata ug ginganlan nila og Deia Amihan. Ang Amihan, naggikan sa iconic character ni Iza sa pantaseryeng Encantadia sa GMA7.
Abi'g mamatay na
Nahiagom og Covid si Dina Bonnevie niadtong 2021. Wala na niya gidetalye pa sa ilang panagchika sa Youtube channel ni MarIcel Soriano, apan niya pa, nagtuo na gyud siya og mamatay na siya. Dili na matud pa siya makabarog, labihan ka kapoy sa iyang lawas. Dugay pa gyud siya na admit sa hospital gumikan sa kadaghan sab sa pasyente. Wala nagsilbi ang powers sa iyang bana nga kongresista. “Do you know that I waited in the garahe of the hospital from 6 in the evening, pumasok ako quarter to 1 ng madaling-araw sa room? Kasi ganun kadaming pasyente, walang paglalagyan sa yo. At walang gustong mag-nurse sa akin.”
Ikaw na, Andrea!
Nag-viral ang "promposal" ni Andrea Brillantes ngadto sa iyang uyab nga si Ricci Rivero niadtong Domingo. Kini kay mismong mga sakop sa Korean girl group nga Blackpink maoy nibasa niini atol sa ilang concert didto sa Philippine Arena sa Bulacan. Nasigpatan sa grupo ang poster ni Andrea nga nagkanayon, “I just want to asked Ricci Rivero, ‘Will you go to prom with Andrea?’” Dinhi nangutana si Rose kang Ricci kun okay ra ba niya. Yes, ang tubag sa basketbolista. Ang promposal tipik sa kalihukan alang sa Star Magic Prom sa March 30.