Dili lalim

Giangkon ni Regine Velasquez nga naglisud gyud siya sa duet nila ni Morisette sa kantang Gusto Ko Nang Bumitaw sa ASAP Natin 'To sa nilabay nga tuig. Original song ni Morisette ang maong kanta ug maoy theme song sa teleseryeng The Broken Marriage Vow. Suma ni Regine sa Magandang Buhay niining bag-o lang, muhangyo gyud unta siya nga paubsan ang key sa maong kanta kay nagduda siya nga dili gyud niya maabot ang high notes.

Edaran na matud pa siya, unya si Morisette, batan-on pa nga mora lang og nanghuy-ab kun mobirit, dili gyud maglisud. Apan nalimot matud pa siya og sulti nga paubsan niya ang key sa maong kanta busa nasugamak siya. Naabot man tuod niya, apan naglisud gyud matud pa siya.

Mas isog karon

Mas isog na matud pa si Janella Salvador sa iyang mga roles karon nga usa na siya ka inahan. Hinuon iyang giklaro ngadto sa PEP nga mamili sab gihapon gyud siya og role, kay bahala og daring, basta dekalidad ug ikapasigarbo gyud sa iyang anak puhon. “Pipiliin ko pa rin siyempre yung mga roles.

Hindi naman puwedeng basta-basta lang na tatanggap na lang ako nang tatanggap. It really depends on how it’s portrayed. May redemption or properly portrayed," ni Janella pa, kinsa epektibo nga kontrabida sa Darna TV series.

Courtesy of IG account: superjanella

Hot Mommas!

Maora'g wala nanganak ang kapuso stars nga sila si Max Collins ug Wynwyn Marquez kun basehan kining ilang mga hulagway nga gi-upload nila sa ilang tagsatagsa ka IG accounts.

Si Wynwyn ni-upload niini niadtong Sabado ug may caption nga, "walking into the future with more confidence than ever."

Si Max sab, ni-upload niining iyang hulagway niadtong nilabay nga semana. Sanglit anaa siya usa ka hotel, caption niya niini nagkanayon, "staying in tonight." Courtesy of IG accounts: maxcollinsofficial ug teresitassen