Gikasal gyud!

CEBU, Philippines — Nagpakasal na si Song Joong Ki ngadto sa British actress nga si Katy Louisse Saunders. Gipahibawo sab niya nga aduna na silay  umaabot nga baby.

Suma pa sa website nga allkpop, niluwat og suwat si Joong Ki alang sa iyang fans kagahapon diin iyang gibutyag ang iyang kaminyuon ngadto kang Saunders.

"Hello, this is Joong Ki. I wanted to share the happiest and most important promise in my life with you all. I have promised Katy Louise Saunders, who has been supporting me and sharing time together, to spend the rest of my life together." Tipik sa suwat ni Jong Ki.

Si Jong Ki naila pinaagi sa Descendant's of The Sun,Vincenzo ug Reborn Rich. Samtang usa sa mga salida ni Saunders kaniadto mao ang The Lizzie McGuire movie.

Napul-ag paabot!

Komedya dalang tinuod ang pamahayag ni kanhi Viva Hotbabe member Sheree Bautista nga gikapoy siya'g paabot sa wedding proposal hinungdan nga nakigbulag siya sa iyang boyfriend human sa walo ka tuig nga relasyon. Ang leksyon nga iyang nakat-onan matud pa niya ngadto sa PEP Cabinet Files mao nga dapat adunay timeline kanus-a nimo gustong mag-level up ang relasyon ug dili usikan ang panahon. Atua sa Amerika si Sheree kay nilarga siya niadtong October human sa break up. Plano niya nga mukuha og filmaking sa New York sa Mayo puhon, apan mupauli pa siya dinhi sa Pilipinas kay hatagan siya og project sa Viva Films nga siya ang solo nga bida.

Ayaw'g hinilas!

Nataypan sa netizens ang caption sa hulagway ni Isabelle Daza nga nagkanayon: “Note to self: Don"t go broke tryin" to look rich.” Mao ni iyang gisuwat sa iyang hulagway nga kuha didto sa Amanpulo, diin adunay makitang tapsilog sa iyang lamesa alang sa iyang pamahaw. Usa ka elegante ug mahalon nga resort sa nasud ang Amanpulo. Gipakpakan sa netizens ang caption ni Isabelle kay makalingaw apan adunay pagtulun-an. Lakip sa nipakpak ang TV host nga si Pia Guanio.

Dili untamag-artista

Trending karon ang pangalan ni Janine Gutierrez gumikan kay gikagubtan sab og maayo ang iyang bag-ong teleserye sa ABS-CBN nga mao ang Dirty Linen nga matud pa mura’g k-drama ang pagkamugna, maayo kaayo ang mga artista ug gigastuhan gyud.

Usa si Janine sa gipakpakan og maayo gumikan sa maayo niyang acting dinhi, ilabi na niadtong Biyernes sa eksena nila sa beterano sab nga si Joel Torre diin mga mata ra nila ang gipalihok, apan apkektado kaayo ang nagtan-aw.

Apan sa interview ni Karen Davila sa ANC niadtong nilabay nga semana, gibutyag niya nga medyo napugos na lamang siya nga mag-artista sanglit gipaabot siya sa publiko nga mao kini ang iyang buhaton gumikan kay mga sikat kaayo ang iyang mga apohan nga si Superstar Nora Aunor ug Asia’s Queen of Songs Pilita Corrales.

"I have to admit talagang sobrang privilege ko bilang anak ng artista. Kasi bata pa lang ako, tinatanong na ako kailan ka maga-artista? Hindi tinatanong kung gusto mo ba. Ang tanong is kailan. So talagang may advantage so tinry ko na lang talaga na maging deserving ako na talagang manatili," ni Janine ngadto kang Karen.

Grade two siya dihang nasayran niya unsa ka sikat iyang mga apohan sanglit naa sila napatik sa Sibika At Kultura nga libro.

Anak ni Nora ang mama ni Janine nga si Lotlot de Leon ug anak ni Pilita ang iyang papa nga si Monching Gutierrez. Lolo niya ang banggiitang si Eddie Gutierrez.

“I guess dati ayaw ko talaga mag-artista kasi parang pakiramdam ko ano pa magagawa ko?", pag-angkon niya ngadto kang Karen.

Apan bisan pa man og showbiz royalty siya, pagsugod niya sa showbiz dili sab gyud hayahay ang tanan alang niya kay may mga panahon sab nga wala siya’y project.

"When I was starting talaga, there were years na wala akong trabaho, wala akong teleseryes. May time rin na naisip ko baka nagkamali ako na nag-artista ako baka dapat nag-foreign service na lang ako, mag-trabaho na lang ako,” angkon niya.

Gradwado si Janine og kursong European Studies in International Business.

May mga panahon sab nga nagtuo siya og iyaha na ang project, apan makita na lamang niya sa telebisyon nga laing artista diay ang gihatagan sa role nga iyang gihandum human sab siya ni-audition.

Dirty Linen

Giangkon ni Janine nga mamili gyud siya og project basi sa script. Tan-awon sab niya kun aduna ba kini prinsipyo nga susama sa iyang baruganan.

"And Dirty Linen parang at the core is about injustice eh na 'yung mga makapangyarihan palaging nakakalusot samantalang 'yung mahihirap, hirap na hirap makamit 'yung hustisya and that's the theme na very prevalent sa Pilipinas di ba? Hindi talaga maiiwasan," niya pa.

Labihan sab kaisog sa maong teleserye hinungdan nga makapangutana sila usahay sa shooting pa lang kun mahimo ba kining ipagawas sa telebisyon.

"So sobrang happy ako na ganun 'yung tema namin at ang tapang ng show na may mga eksenang nagtataka kami pwede ba itong ipalabas sa TV? Pero pwede raw. We will push the envelope. If not now when? Sabayan na natin 'yung mga palabas ng Korea, ng Hollywood. Happy talaga ako, as in ang ganda nung script," niya pa.

Tinguha gyud niya nga makahimo og maayong mga projects.

Tambag niya alang sa tanan nga dili lang gyud magpakawala og paglaum kun dili makab-ot ang mga pangandoy sanglit nagtan-aw gyud ang Ginoo, ug mubalik ra gyud kini sa tukmang panahon.

"God always has a plan for you parang yan 'yung lesson ng life ko in small moments na parang I've always wanted something pero di ko siya makukuha pero a year later or two years later parang babalik siya in another form."

"So kung may gusto ka sa buhay at hindi mo makuha, just keep working towards it at babalik at babalik siya sa'yo," niya ngadto kang Karen.