Ice mang-hugyaw sa Cebu

Human nagmalampsuon ang 35th anniversary concert nga "Becoming Ice" didto sa kaulohan, dalhon ni Ice Seguerra dinhi Cebu ang maong  concert. Nagkanayon si Ice nga  bata pa lang siya , dinhi sa Sugbo  niya napalit ang una niya nga    six-stringed guitar.

Pipila sa mga awit nga iyang nakat-onan dinhi sa Sugbo mao ang "Matud Nila" ug "Usahay.

Todo pangandam na si Ice sa iyang 35th anniversary concert nga pagahimoon sa Pacific Grand Ballroom sa Waterfront Cebu City Hotel and Casino-Cebu City  karong  Pebrero 18, 2023. Atol sa mediacon  nga gipahigayon sa  Kape Tano sa City Times Square, gibutyag ni Ice nga dili basta-basta nga audience ang mga Sugbuanon. Ang kapikas niya nga si Liza Diño-Seguerra pinaagi sa  Ice Media and Productions Inc. maoy naneguro nga mahimong hugyaw ang maong konsyeryo.

Molugwa sa maong konsyerto ang Sugbuanon nga singer-songwriter nga si  Jerika Teodorico kinsa nailhan sa mga awit nga  Labyu Langga, Baklay ug Ihatud Tika.

Nalakip pud sa listahan nga makauban ni Ice sa concert stage mao ang grupo nga  Oh! Caraga  nga maoy nag-awit sa  Ipanumpa Ko.

Ang ubang special guests mao sila si  Martin Nievera, Frenchie Dy, Cooky Chua, Bayang Barrios, Mike Villegas, Gary Valenciano, Vic Sotto ug Sylvia Sanchez. Ang tickets maong konsyerto kay mapalit sa  Waterfront Cebu ticket counter.