“Be Grateful”

Dili makatuo si Shaina Magdayao nga nilungtad na siya og 25 ka tuig sa showbiz. Sa usa ka IG post niining bag-o lang, nagkanayon ang aktres: “Gosh. I’m still letting everything sink in. Inabot ng 25, akalain mo yun?! " After a few (failed) attempts to quit and run away from the biz, andito pa din ako and this wouldn’t have been possible if it weren’t for the people behind me.” Usa si Shaina sa gihatagan og loyalty award atol sa gipahigayon nga Star Magical Christmas niining bag-o lang. Kauban ni Shaina nga gihatagan og tribute mao sila si Angelica Panganiban, Dimples Romana, Nikki Valdez, Dominic Ochoa, ug Kaye Abad, kinsa 25 ka tuig ug kapin pa nga nagpabilin sa Star Magic. Tambag ni Shaina sa mga bag-ong lugwa sa industriya: “BE GRATEFUL FOR + EMBRACE THE HIGHS AND LOWS because all things pass at ang pinaka importante—HUWAG MAKALIMOT sa mga taong tumulong sa inyo, because again, you’re not gonna making it alone, on your own.”

Dili mi mailad, dai!

Nag-upload og Tiktok video ang aktres nga si Meg Imperial diin gipakita niini nga gikumot-kumot ug gipislit-pislit niya ang iyang ilong, agig tubag sa nangutana kun nipailawom ba siya og retoke. Apan may mga netizen nga niingon nga dili na kini basehanan karon nga kun kumot-kumoton ang ilong nagpasabot kini nga dili retokada. Suma sa netizens moderno na ang sensya karon diin bisan unsaon og tarog dili na gyud maunsa ang giparetoke ilabi na og hingpit na nga naalim ang samad agi sa operasyon.