Laban, Gabrielle!

CEBU, Philippines — Nilupad na paingon sa Egypt niadtong Lunes ang pambato sa Pilipinas alang sa Miss Intercontinental 2022 pageant nga si Gabrielle Basiano. Post ni Basiano sa iyang IG niadtong Lunes: “Muli nating ibabandera ang watawat ng Pilipinas sa Miss Intercontinental!   Ang laban na ito ay hindi lang para sa akin, kundi para sa lahat ng samabayanang Pilipino. Mabuhay ang Pilipinas!” Lumad sa Borongan, Samar si Basiano. Medyo adunay gamay’ng pressure alang kaniya sanglit ang Pinay nga si Cinderella “Cindy” Obenita nga taga Cagayan de Oro City, maoy mopasa sa korona ngadto sa bag-ong rayna nga mapili karong October 14. Mga produkto sa Bb. Pilipinas sila si Obenita ug Basiano.

Dina ug Alma, magkontra!

Magkuyog sa usa ka sitcom sa TV 5 ang mga Regal babies kaniadto nga sila si Alma Moreno ug Dina Bonnevie. Mulugwa na kini sa telebisyon sugod sa Sabado, October 1. Istorya kini sa away sa mga dato ug pobre. “Kalye Kweens” ang titulo, diin bardagulan gyud matud pa si Dina ug Alma, ug labihan ka alegre sa mga eksena.

Sa TV na lang…

Sugod niadtong Lunes, wala nay Wowowin sa Youtube ug Facebook. Suma mismo kang Willie Revillame, mao kini nahukman sa tagdumala sa AllTV aron motan-aw gyud sa telebisyon ang mga nagsunod sa maong programa online. Gawas pa, niingon si Willie nga malisud sab kun sa cellphone lamang motan-aw, busa mas maayo nga sa telebisyon na sila mag-atang.

Dili Lagi!

Subling giklaro ni Janno Gibbs sa interview ni Ogie Diaz niya nga dili siya ang lalake nga naa sa viral video scandal niadtong 2018. Naugkat ang maong isyu sanglit nahisgutan ni Janno sa maong interview nga ang iyang mga bashers kanunay gihapon nga isagpa niya ang maong isyu--ang uban adto pa sa account sa iyang mga anak mo-post kabahin niini. Usa si Janno sa mga artista nga motubag sa mga bashers niya sa social media. “Hindi ako yun. Kaya lang, kahit anong sabi ko na, 'Hindi ako yun,' binabato pa rin sa akin. So, maano sa akin yun, very sensitive sa akin yun. Kasi nakakahiya naman sa mga anak ko.”

Anam-anam lang

Gipalili ni Pokwang sa iyang Instagram ang kasamtangan niyang gipatukod nga summer house alang sa iyang mga anak nga sila si Malia ug Mae. Matud ni Pokwang sa December pa niya ipakita ang kinatibuk-ang dagway sa maong summer house. Niya pa, nadelatar ang paghuman sa maong balay gumikan sa pandemya ug sa ka nihit sa raket karong panahona. “Our @camayacoast_ph summer house soon… Thank you papa God. Sa kabila ng naantalang pagpapatayo dahil sa pandemic at kawalan ng sapat na raket para mapatapos ka, lumaban ako at nagpursige para sa pangarap ko sa mga mahal ko.”

Maja, balik ABS-CBN...

Nasigpatan sa Dalaguete, Cebu si Maja Salvador nga nalakip sa taping sa umaabot nga action serye ni Richard Gutierrez sa ABS-CBN nga mag-ulohan og “Iron Heart”.

Gumikan niini, nagmaya ang mga fans ni Maja gumikan kay, “Lagare Queen” na matud pa ang ilang idolo nga sa tulo ka networks na gyud makita.

Naa si Maja sa GMA7, gumikan kay usa siya sa mga dabarkads sa Eat Bulaga; may sitcom sab siya sa TV5, ug mulugwa na sab siya sa ABS-CBN pinaagi niining maong action serye.  Nisamot ang kalipay sa fans gumikan kay signal na matud pa kini nga mahibalik na ang ilang idolo sa original niining pamilya nga mao ang ABS-CBN.

Sa ABS-CBN gyud nagsugod ug nisikat si Maja sa wala pa siya nilukso paingon sa TV5 sanglit nikuyog siya kang Mr. M o Johnny Manahan, nga giisip niya nga iyang “tatay” kinsa maoy director sa blocktime Sunday show nga Sunday Noontime Live nga iyaha sa Brightlight Productions.

Nilugwa kini niadtong October 2020, ug tulo lamang ka bulan sa ere. Lakip sa mga naglangkob sa maong blocktime show sila si Piolo Pascual, Catriona Gray, Ricci Rivero, Donny Pangilinan, Jake Ejercito ug Maja.

Sa ABS-CBN, lakip sa mga nitatak nga show ni Maja ang The Legal Wife kauban sila si Angel Locsin ug Jericho Rosales niadtong 2014-2015; Wildflower niadtong 2017-2018; ug The Killer Bride niadtong 2019-2020.

Freelancer si Maja o wala siyay exclusive contract sa usa ka network, hinungdan nga makatabok-tabok siya bisan asa nga estasyon sanglit ang nagdumala niya mao ang iyang talent agency mismo nga Crown Talent Management.

Nasayran nga niadto pang 2019 giplano sa ABS-CBN ang Iron Heart, diin ang original gyud nga mga bida niini mao sila si Ian Veneracion, Bea Alonzo ug Richard. Sa nilabay nga semana, nabalita nga gawas kang Maja ug Richard, malakip sab sa Iron Heart si Sue Ramirez.

Buotan gyud…

Nisaludo ug nagpasalamat ang beteranang showbiz columnist ug talent manager nga si Lolit Solis kang Kris Aquino. Kini kay matud pa ni Solis, bisan og may balatian ug kasamtangang nagpatambal si Kris sa Texas, nipadangat gyud gihapon kini og tabang ngadto niya.

Sa usa ka IG post kagahapon, gibatbat ni Lolit nga pagkasayud gyud matud pa ni Kris nga nag-dialysis siya alang usab sa iyang balatian, gisugod gyud dayon ni Kris ang usa sa iyang mga sinaligan aron ipasuta unsay iyang mga kinahanglan.

Tipik sa post ni Lolit sa IG kagahapon nagkanayon: "Dahil nasabi sa kanya ni Ronite @dpersonalshopperph na nagda dialysis ako kaagad niyang pinatawag si Alvin para alamin kung ano kailangan ko at ibibigay niya agad. To think na meron siyang sakit at nasa abroad siya. Talagang kahit love/hate ang relationship namin dalawa, hindi talaga nalimutan ni Kris Aquino ang naging friendship namin."

Nagkatrabaho sila si Kris ug Lolit sa GMA7 showbiz-oriented show nga Startalk. Silang tulo ni Boy Abunda maoy original hosts sa maong show paglugwa niini sa telebisyon niadtong 1995. Pagkasunod tuig, nibiya si Kris sa maong show kay nibalhin siya sa ABS-CBN. Si Dawn Zulueta ang nihulip niya, kinsa pagka 1997, niundang sab ug gipulihan ni Rossana Roces.

Dugang post ni nga dili gyud matud pa maldita si Kris, taklesa matud pa kini apan walay mean bone.

“Kahit kelan sasabihin ko na walang mean bone si Kris, puwede na naughty siya, tactless pero magaan at bukas palad siya dahil mabait ang puso niya,” ni Lolit pa.

Nanghinaot siya nga unta mamaayo na si Kris.

“Sana naman anuman ang sakit niya gumaling na at maging energetic siya uli. Kris Aquino will always be special sa lahat ng tao na natulungan niya, sa mga kaibigan niya, at lalo na sa nagmamahal sa kanya. Pagaling ka Kris, don't stress yourself sa mga bagay na walang kuwenta, you are loved and you are worth the love. Thank you, will always remember your sweetness and kindness. Salamat talaga,” panapos ni Lolit.

Bugno sa Kaanyag ug Kalantip

Makita niining maong hulagway ang mga kandidata sa umaabot nga BINIBINING LOOC 2022 karong Biyernes, September 30, 2022. Kining maong pasundayag, gisponsoran sa Sangguniang Kabataan sa Barangay Looc, Mandaue City nga gipangulohan sa ilang SK Chairman na si Hon. Gelyne Sayson ug mas naka hugyaw kay kini gidumala sa direksyon ni Jay-r Yosores sa DMY Weddings, Events, Services and Productions. — Avel Jun Lacang