CEBU, Philippines — Trending hangtud karon ang pamahayag ni Vin Abrenica kabahin sa pagbudhi sa relasyon. Kini daw tubag sa pamahayag sab ni Robin Padilla nga dili siya mutuo nga adunay lalaki nga makabalibad og tentasyon.
Taliwala kadto sa hisgutanan sa panagbulag sa iyang anak nga si Kylie ug sa bana niini nga si Aljur Abrenica.
Magsuon sila si Aljur ug Vin.
Sa latest vlog nila ni Vin ug sa iyang partner nga si Sophie Albert, nangutana ang nauwahi kun mutuo ba siya nga dili gyud makalikay og tentasyon ang mga lalaki kun adunay kahigayonan alang niini.
Tubag ni Vin: "Well, one, lahat naman nate-tempt. 'Yung statement na sinabi na hindi talaga makaka-resist 'yung guy, I think that is unfair. Meron talagang temptations na nangyayari sa atin pero ang nakakalimutan ng statement na 'yan is God gave us a choice and that is His gift to man. Binigyan Niya tayo ng choice to choose what is right and what is wrong. 'Yung taong cheater, will he always be a cheater all his life? It's a choice. You choose to cheat or you choose to be tempted. It's unfair for guys. It's not a matter of biology."
Tita na gyud
Nakatawa si Wilma Doesnt nga naghunahuna nga walay “pagnanasa” nilang mga senior stars ang mga bida sa digital sitcom nga ‘GVBOYS: Pangmalakasang Good Vibes. Sila mao si Jerome Ponce, Nikko Natividad ug Dave Bornea ang mga bida niini. Inspired ang istorya niini sa sikat nga sitcom kaniadto nga Palibhasa Lalake, ug ubos kini sa direksyon ni Don Cuaresma. Suma pa ni Wilma, “tita” na gyud ang pagtan-aw sa mga batan-on niya ug sa iyang co-star nga si Carmi Martin. Nahimuot siya kay kaniadto siya sab ang mag-tita sa mga senior stars.
Maluoy mo…
Nangayo’g pinansyal nga tabang ang character actor nga Ping Medina ngadto sa iyang followers sa Instagram niadtong Domingo. Pamarayeg niya, birthday gift na lang pud sanglit 38th birthday man niya niadtong Biyernes. Giasoy ni Ping nga natilok gyud ang iyang kwarta lakip na ang pang-abang sa iyang condo ug tindahan sa sausage. Gikompisal niya nga ang katapusan niyang kwarta balor og P36,000, iyang gipuhunan sa online sabong ug wala pa siya mabayri.
Ma-stress kun mabakante
Mapasalamaton si Mike Tan ngadto sa GMA7 nga gihatagan siya og teleserye nga mao ang “Nagbabagang Luha” kauban sila si Glaiza de Castro ug Rayver Cruz. Kini kay ma-stress matud pa siya kun walay trabaho sanglit aduna na siyay duha ka mga anak. Mahimo ra matud pa kaniadto kun madelatar ang project sanglit siya raman ug ang iyang asawa ang iyang hunahunaon, apan lahi na karon nga may mga anak na siya. Kinahanglan sab gyud nga aduna kay tinigom sanglit dili ka makatag-an sa sunod nga mahitabo taliwala niining pandemya.
Naghinulsol na
Giangkon ni Kristoffer Martin nga may mga kasaypanan gyud matud pa siya nga nahimo, apan nausab na matud pa ang iyang kinabuhi human siya nibalik sa sabakan sa Ginoo. “Surrendered. Delivered...”nagkanayon ang kapuso actor sa iyang IG post sa nilabay nga adlaw. Nasayran nga nakumbinsi siya sa model ug pastor nga si Chris Lomotan nga mag born- again Christian ug nitambong sa Grace Christian Church. Kahinumduman nga nakontrobersyal si Kristoffer sa sayong bahin niining tuiga human siya nalambigit sa iyang co-star nga si Liezel Lopez atol sa lock in taping sa ilang teleserye ug gibiyaan niya ang iyang partner ug anak babay. Apan ang latest mao nga nagbulag na sila ni Liezel ug gituohang nakigbalik sa inahan sa iyang anak.
“Animal!!!!”
Wala nakapugong si Ai Ai delas Alas sa iyang gibati human may usa ka basher nga gipuntarya ang age gap tali sa komedyana ug sa bana niini nga si Gerald Sibayan. Nag-upload man gud si Ai Ai og hulagway nila, kauban ang mga anak niya nga sila si Sophia ug Sancho ug mga uyab sa mga nahisgutan. Nalipay si Ai Ai nga nagkahiusa sila niadtong tungora kay talagsa ra gyud sila magkatigom tibuok pamilya. Apan sa comment section, may nagkanayon: "Anong tawag ng mga anak mo sa asawa mo? Eh mukang matanda pa po anak mo sa asawa mo? Ask lang." Tubag ni Ai Ai nga napungot, "tawag ko sa asawa ko darl tawag ko sayo TAE HAHAHHAHAA G*G* U*L*!!!". Niingon sab si Ai Ai, "nananahimik pamilya namin sa masayang dinner dami mong sinabi animal!!!!"
Leksyon ni Hipon Girl
Natilok gyud matud pa ang tinigom ni Herlene Budol o mas naila isip “Hipon Girl” nga co-host sa Wowowin ni Willie Revillame sa GMA7 kaniadto.
Kini maoy iyang giangkon sa interview ni Toni Gonzaga niya nga gisalida sa Youtube channel sa TV host niining bag-o lang.
Suma pa niya, P100,000 iyang natigom gikan sa pag-host niya sa Wowowin kaniadto, apan natilok na gumikan sa pandemya.
“Buti nga nag-ipon ako, kung hindi wala, patay na kami ng pamilya ko dahil sa pandemic na’to. Hindi alam ng lolo’t lola ko na nag-ipon ako. Tapos, gate pa lang ang napapagawa ko sa bahay namin, hindi man lang pumasok ng bahay. Siyempre, buong angkan ko, sa akin [nakaasa]. Talagang walang-wala. Na-anxiety ako. Umiiyak ako araw-araw. Dumating ako sa puntong parang ayoko na.Ayoko nang magpakita sa pamilya ko kasi nahihiya ako. Back to zero kami,” pag-angkon niya.
Hangtud karon naglisud gyud gihapon siya. Giangkon niya nga may kasaypanan sab siya kay nagsalig siya nga kun mawagtang siya sa Wowowin, aduna pay mukuha niya. Aduna siyay show karon, apan apiki gihapon siya sa aspetong pinansyal.
“Totoo yung sinasabi, hindi habambuhay yung sa TV ka. Dalawang taon pa lang ako, tingnan mo, wala na kaagad. Ang hirap, ang hirap din umasa. Naging kampante din kasi po ako, 'Uy, baka sa susunod meron na ako.' May kumuha sa akin iba kapag tinanggal ako dito... zero totally."
Isip tabang, gisaad ni Toni nga ang tanan nga kitaon sa maong vlog interview, iyang ihatag kang Hipon Girl.