August 25

CEBU, Philippines — Wala pay pormal nga pagpaila kang Xian Lim isip bag-ong kapuso, apan aduna nay petsa ang lock in taping alang sa unang teleserye niya sa GMA7 isip leading man ni Jennylyn Mercado. Gitakda kini sa umaabot August 15. Apan sa Domingo, July 25, subling makita si Xian sa GMA7 isip host sa Miss World Philippines coronation night. Una siyang nilugwa sa show ni Willie Revillame isip guest co-host para sa TV special sa usa ka shopping app.

MW hosts

Mga produkto sa Miss World Philippines ang makauban ni Xian Lim isip co-hosts sa nahisgutang pageant sa Domingo sa gabii. Sila mao si Wynyn Marquez ug Cynthia Thomalia nga puros mga kapuso ug mga talents ni Arnold Vegafria kinsa maoy national director sa maong pageant. Co host sab si RJ Ledesma.

Excited na

Nibalik na sa social media si Kisses Delavin human sa duha ka mga bulan nga pagpakahilom. Niadtong Miyerkoles sa gabii, nag-post na siya sa iyang IG account diin iyang gipadayag ang iyang kahinam sa iyang pagkalakip isip 100 delegates sa Miss Universe Philippines ug nanghinaot nga suportahan siya sa iyang fans. Gibutyag sab niya nga gidapit siya aron  unta paapilon sa Miss World Philippines apan iyang gibalibaran gumikan sa pandemya. Atua pa siya sa Masbate nagbase, ug gumikan niini, wala pa usa siyay manager sanglt maikod matud pa siya nga magpa-manage unya mobalibad paman siya og projects gumikan sa pandemya. Apan inig balik matud pa niya sa Manila, magpa manage na siya. Unang management ni Kisses ang Star Magic, hangtud nga nibalhin siya sa Triple A management niadtong November 2019.

Second Chance

Human sa ilang panagbulag 13 ka mga tuig na ang nilabay, nagkabalik matud pa si Cherrie Gil ug ang iyang Israeli husband nga sikat nga violinist nga si Rony Rogoff. Suma pa sa tinubdan sa PEP Cabinet Files, human sa wala damhang pagbiya ni Cherrie sa lock in taping sa Legal Wives niadtong Mayo human may wala siya nauyonan, nilarga ang 58-year old actress sa Amerika diin nagkatagbo sila pagbalik ni Rogoff, ug nagkasinabot nga magbalik isip "companion" sa usag-usa. Nagbunga og duha ka mga anak ang duha ka dekada nga kaminyuon nila kaniadto.

Lock in shooting

Kasamtangan na karon nga naglock in shooting si Arjo Atayde sa Baguio, City alang sa iyang latest movie. Ang kaugalingong production company sa aktor nga Feel Making Good Production Inc., maoy producer sa maong pelikula.

Wow, Arci!

Nagbabag karon sa Siargao Island ang beauty ni Arci Munoz diin iyang gibandera ang sexy niyang lawas sa maputi nga baybayon sa maong dapit.

Ginuntan sa iyang friends and followers ang mga hulagway ni Arci nga iyang gipadaylang sa iyang Instagram account niining mga nakalabay nga adlaw.

"Linda Blair on vacay," ang caption ni Arci sa pipila ka hulagway nga kuha didto sa Siargao.

Morisette sa SONA

Si Morisette Amon ang mokanta sa national anthem sa SONA ni Presidente Duterte sa Lunes, July 26.

Times Square beauty

Dream come true alang kang Julie Anne San Jose nga nagbandera iyang dagway sa Times Square New York.  Nahitabo kini kahagapon pinaagi sa usa ka digital billboard nga gimontar sa Spotify alang niya.

Kinahanglan og panabang

Nangayo’g tabang pinansyal ang singer nga si Michelle Ayalde kay nanginahanglan siya og P300K alang sa operasyon sa kumplikasyon sa iyang pancreas. Si Michelle ang nagkanta kaniadto sa theme song sa Wansapanataym ug sa Meteor Garden, Taiwan version.

Mopadayon og tungha

Nipauli na matud pa dinhi sa Sugbo si The Clash Season 1 grand champion Golden Canedo. Kini aron ipadayon ang iyang pagtungha.

Arangkada si Jessica

"Hindi pa nga po ako one year, pero ang dami na pong nangyari sa career ko. Kaya super grateful po ako, kasi hindi ko po ini-expect na ganito yung mangyayari,” padayag ni The Clash Season 3 grand champion Jessica Villarubin ngadto sa PEP. Kini kay nanganawkanaw na sa ere ang iyang duha ka mga kanta nga “Ako Naman” ug “Beautiful”. Niining bag-o lang, nipirma sab siya og kontrata sa GMA Artist Center.