Sekreto sa Relasyon

CEBU, Philippines — Daniel Padilla: "Appreciate your partner all the time. Dapat alam mo kapag mali ka. 'Yun ang pinaka-number one. Kapag mali ka, dapat tinatanggap mo iyon. Hindi puwedeng pataasan ng pride sa isang relasyon. Walang mangyayari. Magbubungguan lang kayo nang magbubungguan. So alamin mo kapag mali ka at humingi ka ng pasensya."

Enrique Gil: "You have to learn how to be a team. You have to know that it’s not just here today. It’s here forever, so you gotta treat it that way. I’ve also learned to respect her so much more as a woman and as a human being. Love is sacrifice talaga. Totoo 'yung sinasabi nila. We learned to understand each other more. It’s give and take. You get to know the person five, six years. You really know how to go about it. You learn to take care of the relationship, to compromise. Just know how to balance it, to keep it working no matter what comes your way. It’s about patience too. That’s the number one."

Siyam ka tuig na ang relasyon nila ni Kathryn Bernardo ug Daniel Padilla, samtang pito ka tuig na sab ang ilaha ni Enrique Gil ug Liza Soberano.

Kinsay unang moangkon?

*Sila si Coco Martin ug Julia Montes hagbay ra nga gidungog nga adunay relasyon, ug gani aduna na gyud silay anak matud pa. Niadtong nilabay nga adlaw nakit-an sila nga nagwalking sa ilang subdivision.

*Si Julia Barretto ug Gerald Anderson taod-taod na nga giintriga nga nagkauyab na gyud taliwala sa kontrobersyal nga panagbulag sa aktor ug ni Bea Alonzo niadtong 2019. Makadaghan na sila nasigpatan nga nagkuyog. Niadtong nilabay nga adlaw lang, nakit-an si Julia sa private resort ni Gerald didto sa Zambales.

*Sukad niadtong Hulyo sa nilabay nga tuig, gidudahan na nga si Bea Alonzo ug Dominic Roque na ang magka relasyon. Wala gyuy direkta nga pag-angkon ang duruha taliwala sa daghang pagduda nga sila ang kanunay nga magkuyog og bakasyon. Ang labing bag-o mao ang giingong pagpanuroy nila sa Amanpulo.Nagduda ang uban nga dili pa moangkon si Bea aron dili maapektuhan ang reunion movie nila puhon ni John Lloyd Cruz ubos sa Star Cinema.

Ka sweet ba…

Viral karon ang hulagway nila ni Derek Ramsay ug Ellen Adarna nga kuha sa ilang roadtrip niadtong Biyernes, kauban ang anak sa nauwahi nga si Elias Modesto.

Kini gumikan kay sweet kaayo ang duruha, diin nigakos si Ellen kang Derek. Si Ellen maoy nag-upload niini sa Instagram.

Samtang si Derek may gi-upload sab nga mga hulagway diin kuyog si Ellen ug ang anak niini nga daw sakay og ferry boat. May lain pang hulagway nga si Derek ang nagkugos sa anak ni Ellen.

Una niini, trending ang tubag ni Ellen ngadto sa usa ka netizen nga niingon nga “binobola” o giilad lang siya ni Derek. Matud ni Ellen, magpailad gani kita usahay og bati’g nawong, busa maayo pa kun sa gwapo na lang. Niadtong nilabay nga bulan pa giintriga tinuod nga relasyon nila ni Derek ug Ellen, human nag-upload og mga hulagway sa duruha si Ruffa Gutierrez nga kuha didto sa balay sa actor. Matud pa ni Ruffa, dinner bonding sa mga managsilingan lang kadto, apan naintriga ang netizens kay lahi ang tinutokay nila ni Ellen ug Derek.

Ang bestfriend ni Derek nga si John Estrada kinsa leading man ni Ellen sa sitcom nga John & Ellen sa TV5, nidepensa sa duruha niadtong higayona. Matud ni John, walay dautan kun ugaling magkarelasyon ang duruha sanglit managsama sila nga single.

Katapusan nga ka relasyon ni Derek mao si Andrea Torres, apan nakugang ang publiko human nabalita nga kalit silang nagbuwag niadtong Nobyembre. Si Ellen sab may gi-display nga Spanish boyfriend, apan wala na nabalita kanus-a sila nagbuwag.

Yes, nagka sila gyud!

Human sa 15 ka mga tuig, hingpit na nga gitubag ni Rica Peralejo ang dugay na nga pangutana sa iyang followers kun nagka relasyon ba sila ni Piolo Pascual kaniadto.

“Yes, in the sense na ang deep naming dalawa with each other. But we never put a label on ourselves. Never namin binigay iyon sa isa’t isa,” nagkanayon si Rica sa iyang latest vlog nga gi-upload nidtong Biyernes.

Suma pa niya, niabot sa punto nga naghisgot na sila og kasal, apan wala sila nagkadayon human siya nihukom nga mas palawman pa niya ang iyang pagtuo sa Ginoo.

Apan si Piolo ang nagdapit niya aron motambong sa Victory Christian Fellowship, diin didto niya nakaila ang iyang bana karon, ang pastor nga si Joseph Bonifacio.

Dili na magkasinabot!

Gitinguha ni Kim Kardashian West ang makigbuwag sa iyang bana sulod sa pito ka mga tuig nga si Kanye West.

Natino nga niduso na og divorce si Kim batok sa iyang bana ug gipamunto niya nga dili na sila magkasinabot ni Kanye.

Gihangyo sab ni Kim ang korte nga ipailawom og “joint custody” ang upat nila ka mga anak, dungan sa pagpunting kabahin sa prenuptial agreement nila  ni Kanye.