Dihang namatay si Alyanna...

CEBU, Philippines — Nikabat ngadto sa 102K ang nitan-aw live sa FPJ's Ang Probinsyano nga gisalida sa Kapamilya Online Live Youtube channel niadtong Lunes sa gabii..Mao to ang labing daghan nga viewers nga naangkon sa maong telserye sukad kini gisalida sa Youtube sa nilabay nga tuig. Ang maong episode mao ang pagkamatay na sa character nga Alyanna nga gidala ni Yassi Pressman.

Okay ra man

Giklaro ni Claudine Barretto nga wala siya'y problema sa relasyon ni Jodi Sta. Maria ug sa kanhi niya bana nga nga si Raymart Santiago. Nalain lang matud pa siya kay medyo wala tumana ni Raymart ang ilang gikasabutan mahitungod sa obligasyong suporta niini ngadto sa ilang mg anak.

Way batasan?

Trending karon ang young star nga si Jerome Ponce kay matud pa walay batasan. Suma pa sa netizens naaksidente si Jerome niining bag-o lang. Medyo nakainom matud pa ang young star. Gitabangan kini og motorista apan inay magpasalamat, giingong gitukmod pa ni Jerome ang nitabang niya.

Si Pepe diay

Si Pepe Herrera ang leading man ni Toni Gonzaga sa Pinoy adaptation sa Korean romcom My Sassy Girl nga himuon sa TinCan Productions nga gipanag-iya sa bana sa aktres nga si Paul Soriano. May mga naghinamhinam sa maong project apan may mga niingon sab nga tiguwang na ang duruha alang niini.

Comeback na ba?

Gikilig ang mga fans sa Aldub, ang loveteam nila ni Alden Richards ug Maine Mendoza. Una niini, nag-upload sa instagram sa iyang X-men collection si Alden. Nikomento si Maine og tulo ka flying money emojis. Gitubag kini ni Alden og, "kasi naman eh." Gikilig ang ilang fans ug nanawagan sa GMA og comeback project alang sa phenomenal loveteam.

Ion, huwaman ni Sunshine

Nananghid ang Sugbuanonng “Braless Goddess” nga si Sunshine Guimary ngadto kang Vice Ganda aron huwaman una ang uyab niini nga si Ion Perez.

Sila si Ion ug Jerald Napoles ang leading men ni Sunshine sa iyang launching movie sa Viva Films nga “Kaka”, nga inspired sa tigmo nga "Nandiyan Na Si Kaka, Bubuka-Bukaka."

Suma pa sa PEP, makauban usab ni Sunshine ang mga beterana nga sila si Gina Pareno ug Rosanna Roces ingon man si Maui Taylor. Sa virtual story conference niadtong nilabay nga adlaw, nasayran nga usa ka DJ nga sex therapist pero gisumpa nga dili makabaton og sexual satisfaction ang mga sakop sa ilang pamilya ang role ni Sunshine.

 "Yes, may bed scenes. Daring ang movie na 'to, yun ang dapat ko talagang paghandaan, kasi medyo sensitive at pang-adult yung movie,” pagbutyag ni Sunshine.

Samtang pananghid ni Sunshine kang Vice: "Willing akong mag-adjust kay Ion. Meme, pahiram ha? Pahiram!”

Giangkon sab ni Sunshine nga posibli siyang ma inlab kang Ion sanglit sweet kini ug mao matud pa kanay weakness sa mga babaye.

"Posible, oo, kasi ang personality ni Ion, parang malambing siya, 'tapos physically, sino naman ang hindi mai-in love kay Ion?

"Physically, nandoon na sa kanya.

"And sa attitude, hindi ko pa siya ganoon kabisado, pero sa napapanood ko sa It’s Showtime, sweet si Ion, which is isa ‘yon sa weakness ng babae.

"Yung sweet, importante yun," prangka niyang litaniya.

Ania pa sa Sugbo si Sunshine sanglit sunod bulan pa sugdan ang shooting sa maong pelikula. 

“Nic” diay ha!

Nabuking nga si Dominic Roque ang latest caller ni Bea Alonzo sa wala pa sila nag-phone swap challenge ni Enchong Dee alang sa latest vlog sa actress. “Nic” ra ang nakabutang sa caller id. Sa unang pagpangutana ni Enchong, “secret” ra ang tubag ni Bea, apan kadugayan iya ra sab gibutyag nga si Dominic ang caller. Taod-taod na ang pagduda nga aduna nay relasyon si Bea ug Dominic.

Gi-advance na

Hangtud March pa niining tuiga ang Lunch Out Loud sa TV5, sukwahi sa tsika nga hasta kini, humanon na sab. Suma pa sa insider sa SCOOP FB page, may mga hosts na nga naka advance og talent fee hangtud March nga maoy pagkapupos sa kontrata sa Brightlight Productions sa TV5. Una nang niingon ang usa sa mga hosts sa show nga si KC Montero nga dili tinuod nga magbabu na sab sila sa ere sanglit padayon gihapon ang ilang taping.

Amanpulo “familymoon”

Didto sa Amanpulo, nag-“familymoon” ang bag-ong kasal nga sila si Mikee Morada ug Alex Gonzaga. Familymoon ang tawag ni Alex sanglit kuyog man iyang mga ginikanan ug ang pamilya pud sa iyang ate Toni. Saysay pa ni Alex sa iyang vlog, paghuman sa ilang kasal ni Mikee niadtong November, nagpa book gyud matud pa siya dayon alang sa maong family trip kay nasayud siya nga musugot na iyang mga ginikanan nga pakuyogon si Mikee kay minyo na sila.