Martyr vs. Obsessed

Wala tubaga ni Ellen Adarna ang pangutana sa usa ka netizen nga nagpakisayod kun aduna bay boyfriend ang nahisgutan karon.

Hinunoa, gisumbalik ni Ellen og pangutana ang maong netizen nganong interesado kini masayud kabahin sa iyang lovelife nga dili man kini makaayo sa iyang kinabuhi.

Si Ellen subling nitubag sa mga pangutana sa iyang followers niadtong Biyernes sa gabii pinaagi sa iyang Instagram stories.

Usa sa pangutana nga gitubag gyud ni Ellen mao ang kalainan tali sa unconditional love ug pagpaka martyr sa gugma.

“Unconditional love ‘Day is a love that is healthy and given freely, without expecting any in return.

“Ang martyr, they’re obsessed, they are clingy, they do not have self-worth, and selfish pa."

Dugang pa niya, “Pa-blind-blind ni sila unya victim kaayo sila sa ilahang choices. Mga kuan ni sila, masokista.”

Si Ellen bag-ohay lang nakahuman og meditation program didto sa Indonesia. Gitakda siya nga mobalik showbiz sunod bulan human sa tulo ka tuig nga pagpalayo niini diin nagkarelasyon sila ni John Lloyd Cruz ug nakabaton og anak.

Ang showbiz comeback ni Ellen mahitabo pinaagi sa sitcom nga John En Ellen nga isalida sa TV5 sunod bulan.