BrightWin Fan Meet
CEBU, Philippines — Sa December 5, 2020 na puhon ipahigayon ang BrightWin Manila: The Virtual Fan Meet.
Sayong pinaskuhan kini sa ABS-CBN sa fans sa 2gether stars nga sila si Bright Vachirawit ug Win Metawin. Ipahibawo ra ang dugang detalye kabahin niini ilaabi na ang mahitungod sa tickets.
“Miracle Baby”
Usa ka malipayon kaayo ang nakalabay nga Biyernes sa buntag nga nasinati sa mga pamilyang Ledesm ug de Rossi human gihimugso ni Assunta ang labing unang anak nila ni Jules. Giisip ni Assunta nga miracle baby ang bata nga ginganlan nila og Giulia Fiorentina Alessandra Schiavone Ledesma o Fiore sanglit dul-an 20 ka mga tuig nga gipaabot sa 37-anyos nga si Assunta nga magasahan sila og anak sa iyang bana nga si Jules, 59.
Si Pops nipuli
Naglain ang lawas ni Lani Misalucha, hinungdan nga wala kini nakatunga sa taping sa The Clash sa GMA7. Hinungdan nga si Pops Fernandez una ang kasamtangang nihulip kang Lani isip hurado, kauban sila si Ai Ai delas Alas ug Christian Bautista. Apan giklaro sa kampo ni Lani nga dili Covid ang nitakboy sa singer, ug dili angayang mabalaka kay mobalik siya sa The Clash sa umaabot.
Walay reklamante
Dahunog ang tsika nga adunay mga shows nga wala musunod sa gilatid nga 12 hours curfew alang sa taping.
Apan ang problema kay wala moy mobarug ug direktang moreklamo ngadto sa mga otoridad busa dili maaksyonan.
Nasayran nga gilatid nga 12 hours ra gyud ang taping o shooting kada adlaw ilabi na karon nga aduna pay pandemya.
Sitsit
Nakahuman og horror film ang sexy star nga si Ivana Alawi. Kini mao ang Sitsit nga isalida pinaagi sa iWantTFC.
Gidawat niya ang proyekto kay siya ra gyung usa sa shooting, wala siyay mga ka eksena. Excited siya kay ganahan gyud siya og horror film, apan pag-shooting na, nahadlok siya kay siya ra gyung usa.
Na-Covid
Hingpit na nga gibutyag ni Alex Gonzaga ang rason nganong wala pa siya mulugwa isip co-host sa Lunch Out Loud, ang noontime show sa Brightlight Productions nga gisalida sa TV 5 sugod niadtong Lunes. Kini kay nataptan sila og Covid-19.
Nagduda si Alex nga nakuha nila ang virus gikan sa pagkaon nga ilang pinalit.
Una nga nataptan ang iyang mommy Pinty, hangtud nga natakdan na sila tanang nanimuyo sa ilang balay.
Natakdan sab ang iyang uyab nga si Mikee.
Peron aka survive ug nangaayo na sila tanan human sa duha ka semana nga quarantine ug pagtambal.
- Latest
