Trending si Super Tekla o Romeo Librada sa tinuod nga kinabuhi kagahapon. Kini suman siya gipasanginlan sa iyang kapuyo nga si Michelle Lhor Bana-ag og sexual abuse ingon man lack of financial support ngadto sa ilang anak. Si Bana-ag nga nidangop sa Raffy Tulfo in Action niadtong Martes nipasangil nga mamugos gyud si Tekla nga makighilawas niya bisan gikapoy siya kay kanunay naglabad ang iyang ulo. Wala sab matud pay suportang pinansyal si Tekla ngadto sa ilang anak. Wala pay komentaaryo si Tekla kabahin niini.
Bahala mo uy!
Deadma si Kelvin Miranda sa mga ni-question sa iyang kapasidad isip artista kay matud pa hilaw pa siya aron himuong bida sa umaabot nga fantas-romantic series sa GMA7 nga The Lost Recipe. Matud niya, dili kini makatabang niya ug gawas pa, katungod sa matag usa ang ipadayag ang gibati. Hinuon, Best Actor sa 6th Urduja Film Festival para sa pelikulang The Fate (2019) si Kelvin ug nakita na ang iyang abildad sa pagsayaw ug pagkanta sa Sunday Pinasaya kaniadto.
Gimingaw og arte
Bisan og nabalaka pa gumikan sa Covid 19, gidawat ni Jacklyn Jose ang role nga mayordoma sa umaabot nga Pinoy adaptation sa South Korean movie “The Housemaid” gumikan sa duha ka mga rason. Una, makaayo matud pa kini niya sanglit mangita gyud iyang lawas sa iyang naandan nga trabaho. Matud pa, kun tulo ka bulan nga wala siyay acting project, dili kini maayo og psychological effect niya. Ikaduha, undanon gyuud an gang iyang role, sanglit sa original version, ang mayordoma maoy naghupot sa tanang sekreto sa pamilya nga iyang gialagaran. Nasayran nga ang Viva Films maoy mogama niini, ug si Kylie Versoza maoy modala sa papel sa housemaid ug si Albert Martinez ang modala sa papel sa bana.