CEBU, Philippines — Nag-uros-uros gyud ang gugma ni Markus Paterson kang Janella Salvador.
Gani, gideklara niya sa usa ka video-- nga gi-upload sa Youtube channel sa iyang kauban sa Star Magic nga si Kyle Echarri—nagkanayon si Markus nga mamatay siya kun mawala si Janella sa iyang kinabuhi.
Niingon pa gyud siya nga mas gihigugma niya si Janella kaysa iyang pamilya, ug nga dili gyud matud pa mahulagway iyang pagbati ngadto niini.
“There is no one or thing that could make me look at another woman the way that I look at her.
"Like, it’s not even fair to my family how much I’m in love with this woman. Because I would put her above anything else.”
Gitawag sa Fil-Brit star si Janella nga “love of my life.”
“I don’t even know. It’s hard to explain when you feel this way. And to the vague question why I’m still with her, it’s because I couldn’t live without her. That’s as simple as it is.”
Giangkon sab ni Markus nga us aka tuig ug walo ka bulan na ang iyang relasyon ni Janella.
Apan bisan paman sa nag-uros-uros nga pagbati ni Markus, wala niini hisgoti ang tsika nga matud pa mabdos si Janella sa ilang anak ug nga manganak na kini sunod bulan didto sa UK.
Gani, mao matud pa ni ang rason nganong nilupad niadtong nilabay nga semana paingon sa UK ang inahan ni Janella nga si Jenine Desiderio.
Suma pa sa balita sa PEP nga maoy nipabuto sa istorya nga mabdos si Janella, nasayud na ang mga barkada sa young actress sa matuod nga sitwasyon niini, ug nga ang pananghid matud pa sa nahisgutan mao nga motungha siya didto sa UK.
Daghang trabaho!
Ratsada diay ang beauty ni Angelica Panganiban bisan pa man kun adunay pandemya.
Left and right ang iyang projects karong panahona. Gawas sa Walang Hanggang Paalam teleserye nga isalida sa Kapamilya Channel sa dili pa matapos kining bulana, nakahimo sab diay siya og digital film nga ‘Love Lockdown” kauban si JM de Guzman.
Apan giangkon niya nga dili gyud lalim ang iyang naagian sa shooting niadtong maong pelikula sanglit gimugna nila kini taliwala sa lockdown sa tibuok Pilipinas niadtong sayong bahin sa pagtumaw sa health crisis.
"Mahirap mag-trabaho sa ganitong situation. But at the same time, ang dami mo matututunan. Mahirap na trabaho. Pero, 'pag natatapos mo naman, ang sarap-sarap sa pakiramdam," paambit pa niya atol sa virtual presscon sa iyang advice show. Kini mao ang Ask Angelica, diin tubagon niya ang bisan unsang pangutana nga ipadala ngadto niya, ug mutambag sab siya kun gikinahanglan.
Aduna sab siyay animated film nga isalida sa Netflix. Kini mao ang “Hayop Ka!: The Nimfa Dimaano Story.” Rom-com kini diin mga tingog nila ni Robin Padilla ang naghatag og kinabuhi sa mga bida niining maong pelikula.
Samtang, kun kahinumduman nga namahayag si Angelica nga magpabilin ra gyud matud pa siya sa ABS-CBN kay dili siya makaako nga biyaan kini sanglit mao na gyud ni iyang network sugod pa niadtong 9 years old pa lamang siya.
Komedya niya, unya ra siya mobalhin kun wala na siyay kan-on. Giklaro hinuon niya nga wala siyay dautan nga masulti sa mga kanhi ABS-CBN talents nga nanimpad na sa laing networks sanglit iya-iya matud pa sila og rason. Giluwatan kining tanan ni Angelica human usab niya gibutyag nga may mg offers siyang nadawat, may mga nanawag sa iyang kampo human wala na renew ang franchise sa ABS-CBN niadtong Mayo.
Dili Lum-an!
Dili palabyon ni Liza Soberano ang matud pa us aka empleyado sa iyang kanhi internet provider nga nihulga nga ipalugos siya human usab siya ni post nga hinay kaayo ang internet connection sa nahisgutan. Ang management sab sa maong kompaniya nisaad nga mohimo sila og aksyon batok sa maong empleyado.
Na-excite!
Igo ra niingon si Jay Sonza nga bawion na lang niya ang iyang mga pahalipay ngadto nila ni Gerald Anderson ug Julia Barretto, human nasuta nga dili tinuod ang iyang paukyab nga mabdos ang young actress. Na excite lang matud pa siya.
Gikagis ang kilay!
Gi-shave ni Bela Padilla ang ka tunga sa iyang kilay niadtong Marso sa pamasin nga ma achieve niya ang fox look, apan wala siya makauyon sa resulta hinungdan nga sa ka semana siya nga wala mag-social media. Matud ni Bela ngadto sa PEP hilig siya og unsay mga uso nga iyang makita online ug maayo kini iyang sundon dayon.
Busog diay!
“Hahaha…kanin po yan at saka chips”, ang tubag ni Megan Young ngadto sa usa ka netizen kun mabdos na ba siya gumikan kay matud pa bugdo ang tiyan sa kanhi beauty-queen sa hulagway nga iyang gi-upload niiing bag-o lang.
Postponed ag kasal
Si Angel Locsin maoy cover sa digital issue sa Metro Style magazine, diin ang iyang umaabot nga bana maoy photographer. Natuki sa maong cover story nga sa November na diay unta ang ilang kasal, apan gumikan sa pandemya, nahukman nga sa sayong bahin sunod tuig na kini ipahigayon. Dili matud pa mahimo nga sila sila lang kay daghan sila og mga higala nga buot makig-uban nila sa adlaw sa ilang kasal puhon.
New Single
Bag-ong kanta ang gidalit ni Maris Racal ngadto sa iyang fans sa iyang pagsaulog sa iyang 23rd birthday kagahapon. Giulohan og "Not For Me",, matud ni Maris nga dugay na niyang gisuwat ang maong kanta ug naghinamhinam na siya nga madungog kini sa iyang fans.
"Oh outdoors and U"
Viral karon ang outdoor date nila ni Jake Ejercito ug sa iyang nine year old nga anak nga si Ellie. Daghang nakauyon sa ilang hulagway nga gi-upload ni Jake sa Intagram niadtong Lunes. Niining bag-o lang, gibutyag ni Jake sa TV5 morning show Tsika Besh nga nag-bonding gyud sila ni Ellie sanglit tulo ka bulan sila nga nagkauban gumikan sa quarantine. Si Ellie, anak ni Jake ug Andie Eigenmann.
Mubalhin gyud
Misamot ang pagduda nga mobiya na si Maja Salvador sa ABS-CBN gumikan sa iyang post sa social media kagahapon diin nagpasalamat siya sa iyang fans ug nanghinaot siya nga dili sila masorpresa kun makit-an na siya sa nataran sa laing broadcast network. Una na nga nabalita nga lakip si Maja sa umaabot nga Ultimate Sunday Party variety show sa TV5.