Unsay gikabisihan ni Ejay Fontanilla?
CEBU, Philippines — Malakip unta sa tulo ka pelikula ang Sugbuanon nga aktor nga si Ejay Fontanilla apan dili pa matino kun kanus-a kini masugdan gumikan sa pandemya.
Sa pagka-karon ang #Pempem BoySerye maoy gikabisihan ni Ejay nga makita sa Youtube Channel nga PempemBoyTV.
Gidala niya ang duha ka karakter nga sila si Pempem Boy ug Pampam Girl.
Gilangkoban kini og 10 episodes ug siya mismo ang writer ug producer niini.
Alessandra nagpasalamat sa init nga suporta
Dili na gyud mabangbang ang kasikat sa pelikulang “Through Night and Day” ug kasamtangang nitungtong kini sa ikaupat nga spot sa listahan sa Netflix Philippines’ nga labing gikagobtan sa ilang viewers karong panahona.
Ang maong 2018 film gibidahan nila ni Alessandra de Rossi ug Paolo Contis.
Nagpasalamat og maayo si Alessandra sa tanang nisuporta niini.
Pipila ka netizens ang nipadayag nga makahilak gyud ang istorya sa maong pelikula.
Kim Idol mipanaw
Mipanaw na ang komedyante nga si Kim Idol kagahapon sa buntag. Ang iyang higala nga si Allan K maoy nagkumpirmar sa maong balita.
“You were one of the best talents Klownz and Zirkoh have ever had. One of the funniest on and off stage. You will always be remembered by people whose lives you touched through comedy. Rest in peace Kim Idol. We will miss you,” suma pa sa Instagram post ni Allan K.
Kahinumdoman nga nalandig sa tambalanan ang 41 anyos nga komedyante niadtong July 9 tungod sa AVM o brain arteriovenous malformation.
Marlo nag-agi og mental breakdown
Nakasinati og grabeng depresyon ug mental breakdown ang aktor nga si Mario Mortel sulod sa pipila ka semana
“I’m still recovering & slowly healing. It’s the hardest battle I‘ve ever fought & it’s true that you wouldn’t even notice a person who’s going through that situation,” suma pa sa iyang IG post. Mapasalamaton si Marlo sa Ginoo ug sa mga tawo nga maoy naghatag kaniya og igong kusog sa pagsagobang niini.
"I thank my family & friends who stood by me. Most especially GOD who saved me. Only YOU & your words could give us Peace. Never doubt. Believe,” suma pa niya.
- Latest