Andrea Bocelli naka-recover na sa COVID-19

CEBU, Philippines — Giangkon sa beteranong singer nga si Andrea Bocelli  nga nataptan gyud siya og COVID-19  apan naka-recover na siya niini.

"It was a tragedy, my whole family was contaminated," niya pa.

Idonar usab  sa singer ang iyang plasma alang sa  COVID-19 research.

Tungod sa maong sakit, iyang gikanselar ang nakalinya niya nga mga concert.

"I had to cancel many concerts... It was like living a nightmare because I felt like I was no longer in control of things. I was hoping to wake up at any moment," dugang pa niya.

Kris nadaot sa sayop nga tambal

Gitambagan ni Kris Aquino ang iyang followers nga magbinantayon kun duna sila’y gitumar nga tambal.

Nahisgotan kini ni Kris human siya nasayop og tumar sa iyang tambal  sa migraine nga maoy rason nga nilabhag ang pipila ka dapit sa iyang nawong ilabi na doul sa iyang mata.

Mao kini ang rason nga wala madayon ang plano niya nga FB live session sa miaging gabii.

“Sorry hindi natuloy our other FB Live sessions. Warning: Don’t swipe to the next two pictures if you’re not okay seeing swollen eyes na parang nakipag-sparring ako kay Ronda Rousey,”!suma pa sa iyang IG post.

Gi-post ni Kris sa Instagram ang iyang hulagway.

“Last Sunday, I drank the wrong pain reliever for my migraine - the result? Super bad allergic reaction and five days before swelling finally subsided. Ingat please—et what happened to me be the warning,” niya pa.

Sa pag-karon , gisuwayan ni Kris nga mahimong independent.

“Last picture is my left hand because this afternoon I tried to be independent; I was adjusting the electric fan stand to lower it, malay ko ba na pwedeng biglang bumagsak na lang yung buong fan and naipit na ko- OUCH,” dugang post ni Kris.

Gipasalig hinoun ni Kris sa iyang fans nga makabalik ra siya puhon sa iyang FB Live session.

“Wishing all of you good health and will try to do another FB session soonest. God bless you all,” panapos pa niya.

Pagsaulog sa KathNiel sa ilang 8th anniversary

Gisaulog nila ni Kathryn Bernardo ug  Daniel Padilla  ang ikawalo nga anibersaryo  sa ilang relasyon niadtong May 26.

Nipaambit og mga hulagway ang inahan ni Kathryn nga si Min Bernardo atol sa pagsaulog sa KathNiel sa ilang anniversary samtang naka-qurantine.

“Happy 8th anniversary Daniel [and] Kathryn. ‘Di man na celebrate sa fav place nila ang special day na ito, ginawa na lang worthy ang day by continuing painting the wall , then I decided now to call this place, virtual wall,”suma pa sa inahan sa aktres.

Mapasalamaton ang inahan ni Kathryn ngadton sa fans nga nagpadala og pagkaon.

“They decided to make the day simple lang pero thanks to all fans and friends na nagpadala ng food,” dugang pa ni Min. Unang nag-uban ang kaniadto ang KathNiel niadtong 2011 sa weekly youth-oriented series  nga “Growing Up”.

Nakabaton dayon sila si Kathryn ug Daniel og  first  major project, ang primetime series nga “Princess and I” niadtong 2012.