Sam, bag-ong uyab ni Catriona

CEBU, Philippines — Giangkon kini ni Sam atol sa iyang 36th birthday niadtong Sabado.

Nag -post usab si Sam og sweet photo nila ni Catriona  ug duna kini caption nga, “Worth every second of the wait. Most special birthday yet."

Kahinumdoman nga taod-taod na  nigawas ang report nga duna sila’y relasyon human kanunay sila nga nasigpatan nga nag-date apan kanunay usab sila nga mo-deny.

Mao kini ang rason nga nasupresa og maayo ang katawhan sa rebelasyon ni Sam.

Nakadawat og daghang mensahe  ang mag-uyab ug gipangkilig sa pag-angkon ni Sam sa relasyon nila ni Catriona.

Usa sa nipadangat og mensahe mao si John Prats nga nagkanayon,”Happy ako para sa inyo!!! Alam mo yan!!!"

Nihirit usab si Angelica Panganiban og ,” Ayiiie! Happy birthday, Sam! Very, very happy for the both of you!”

Una na nga nagpakilig si Catriona pinaagi sa birthday message niya kang Sam nga nagkanayon ,”Hey, Sam! Happy, happy birthday. I hope that you have an amazing year ahead. More birthdays. More happiness. You are loved by so, so many!”

Ang Kapuso star  nga si Clint Bondad maoy katapusang nauyab ni Catriona sa wala pa naabot si Sam sa iyang kinabuhi.