Goodbye, GGV!

Sanden:  Maayong hapon mga Kabanatanay, welcome sa laing hugna sa pagtuki  sa usa sa mga init nga topic karon sa showbiz.  Sa miaging gabii, nagmasulob-on ang pipila ka fans ni Vice Ganda gumikan kay nanamilit na ang programa niini nga Gandang Gabi Vice nga nilungtad sa ere sulod na sa siyam ka tuig.   Kusog kaayo ang maong show ,apan dili ikalimod  nga dunay mga higayon nga napildi sa kaatbang niini nga The Boobay And Tekla Show sa GMA-7. Nahimo na nga kabahin sa katawhan ang matag Domingo niya nga show. Hinuon, magpabilin siya sa Domingo nga timeslot sanglit duna siya’y bag-ong show. Usa kini ka sing-along game show nga nag-ulohan og “Everybody, Sing!”

Jaypee: Olah mga kaigsuonan! Happy day! Salamat sa wala gyud ninyo'y puas nga pagsunod sa atong mga chika matag Martes.  Naguol pod bitaw ko lite sa panghitabo sa Gandang Gabi Vice kay pila pud baya tawon ta ka tuig. Dili ikalimod   nga naigo pud sila sa rating games tali sa kaatbang ani nila. Apan bright lang pud kaayo  ang ABS-CBN kay konohay pagtangtang na sa maong show, naa naman dayon laing show nga ipuli niini nga si Vice pud ang magdala. Pak na pak. Salamat sa pagpakatawa Vice Ganda! Basta lingaw ra gyud ang GGV, ug mag-atang napud ko sa imong bag-on show.

Yuri: Hello mga KaBANATanay! Laban lang gyud ta ani sa mga pagsuway maong  dili maguol . Mobanat na kita  sa atong hisgotanan karon.  Sakto gyud ang ginaingon nila, there's no such thing as constant but change. Time to say goodbye for GGV kay dugay na pud kini nga wala nay lami. Ikaw gwaps Jaypee naguol ka kay klaro kaayo nga  maka –ABS ka.  To tell you, ang atbang niini kay The Boobay and Tekla Show ug  kataw-anan kaayo ang maong show. So dili nakaangay mahibulong nga nanamilit na ang GGV. Aksyon na og kabalaka si Vice karon, wala sad baya nag-number one ang iyang movie sa miaging Metro Manila Film Festival 2019.

Sanden:    Maayo lagi ang panghuna-huna nimo karon Hampaslupa Jaypee, maayo gani kay dili ka negatibo karong adlawa. Unsa kaha ang nakaon nimo, basin nakatulon ka og dahong laya. Duna pud baya kay punto Jaypee nu,  magpasalamat nalang pud ta sa iyang pagpalatawa natu.  Apan ikaw Yuri,   dili napud masabtan ang mga lenggua diha, sige nalang gyud ka panaot uy. Ang labing importante Tita Yurs nga nakadalit  siya og lingaw  nga mga episode.   Puwes, mag-atang na lang ta sa umaabot niya nga show.

Jaypee: Yuri ingun ana gyud na ang industry sa showbiz. Di gyud matag- an pirme ang mahimong  dagan niini.  Busa ayaw palabi og yawyaw diha, kaw rapud ang ma-stress ana. Dili raman sad angay maguol si Vice ha, kay siya raman gihapon ang host sa ipuli nga show niini. Ikaw pod Yuri, ayaw kaayo og ka harsh ni Vice. Bisag unsaon pod, kapila pod ta raba gipakatawa ni Vice sa pila na ka mga Domingo. Lahi na gyud ang atong Sunday TV viewing, ug andam nako modawat ana.  Sige ra beshie Yuri, move-on nalang ko ani. Ni -express lang ko sa akong na feel karong adlawa. Bisan unsaon natu og bali-balik, kanunay gyud baya atngan sa viewers ang iyang guests kaniadto. Gawas sa mga artista, nilugwa usab ang mga politiko sa iyang show, ug  maboak gyud ni Vice Anyway, highway, salamat sa mga pagpakatawa Vice Ganda. Ikaw na!

Yuri:  Busy ko , wala ko nag- atang anang bag-o niya nga  show.  Siyempre tagaan gyud siya og laing show kay dako siya og TF, lain man pud kaayo, one show lang, unya million ang dawaton. So ano na mga bashers sa TBATS? Gatuo man gud mo nga dili mapildi ang GGV? So meaning, kamo mismo napul-an na? Pero on the lighter side, okey pud nang naay laing putahi nga mahalon sa mga viewers. Hoy Sanden nga may pa ba Baby Babe,wala ko nagpaka -negative I’m just being real!!! Sige, basin  another improvised copycat napud na iyang bag-ong show ha.  Ikaw Jaypee, ayaw ko labda, kapoy patol nimo , molakaw nako uy ,bye. Jaypee, Yuri