Sakyanan ni Kim nasunog

CEBU, Philippines — Naugdaw  ang sakyanan sa TV host nga si Kim Atienza  nga naka-park sa  Bonifacio Global City niadtong Dominggo.

Wala hinoun gidetalye ni Kim ang rason sa pagkasunog niini.

Wala igsapayan sa TV host ang maong hitabo sanglit ang labing importante kaniya nga wala’y naangol ilabi na sa iyang asawa nga si Felicia kinsa nagsaulog sa iyang birthday niadtong adlawa.

Catriona gihangop sa Milan

Gihangop og maayo si  Catriona Gray sa bagang dout sa katawhan sa dihang niabot kini sa Milan sa miaging adlaw alang sa tinuig nga  Milan Fashion Week.

Kauban niya sa pagtikang sa maong dapit ang iyang inahan nga si Mita Gray ug ang celebrity doctor nga si  Vicki Belo.

Mao kini ang labing unang higayon nga nakatikang si Catriona sa maong prestihiyosong fashion show.

Ivana, na-trauma sa Ex-BF

Gibutyag ni Ivana Alawi nga taod-taod na siya nga single  gumikan kay na-trauma siya sa iyang ex-boyfriend nga matud pa nagbinuang sa ilang relasyon kaniadto.

“Feeling ko sa ex ko. Niloko ako,” suma pa sa bag-ong Kapamilya star sa dihang ni-guest kini sa Gandang Gabi Vice .

Giisip karon si Ivana isip bag-ong ‘pantasy ng bayan’.

Sheena nagminyo na!

Nagpakasal na niadtong Dominggo ang aktres nga si Sheena Halili ug ang iyang non-showbiz partner nga si Jeron Manzareno.

Nikatap dayon sa mga social networking site ang mga hulagway nga kuha sa maong okasyon.

Star- studded ang maong seremonya sanglit gitambongan kini nila niRegine Velasquez, Arjo Atayde, Jolina Magdangal, Julius Babao, ug Kim Molina .

Nilugwa pud sila si  Dingdong Dantes, Marian Rivera, Jennylyn Mercado, Dennis Trillo, Maine Mendoza, Camille Prats Glaiza de Castro, Katrina Halili, Pasig Mayor Vico Sotto, Joyce Pring, ug Juancho Trivino.

Sininggitay sa kasal

Sa radio show sa ABS-CBN reporter nga si MJ Felipe , gibutyag niya  ang istorya nga iyang nasagap nga matud pa duna gyu’y sininggitay nga nahitabo atol sa civil wedding nila ni Sarah Geronimo ug Matteo Guidicelli nidtong February 20.

Una na nga gipistahan ang chika kalabot sa pag-eksena  sa inahan ni Sarah nga si Mommy Divine atol sa wedding ceremony.

“So nakita niya na something really happened, may shouting na naganap, talagang inaawat, pinipigilan. At ang kuwento pa sa akin ng source ko, I don’t know if this is true, kailangan pang dumating ni Boss Vic (del Rosario) para pigilan si Mommy Divine,” suma pa ni MJ atol sa iyang show sa DZMM.