Taga Borongan maoy Sinulog Festival Queen 2020

CEBU, Philippines — Ang pambato  sa  Tribu Rayhak sa  Borongan Eastern Samar  nga si  Monika Afable   maoy nakalangkat sa titulo nga  Sinulog Festival Queen 2020.

Nahitabo ang final round sa maong kompetisyon niadtong Biyernes sa gabii didto sa Cebu City Sports Complex.

Gikatigi  niya ang laing 10 ka mga kandidata nga banggiitan na sa natad sa pagsayaw og Sinulog.

Gawas sa ilang mga  solo performance,  aduna pu’y group presentation.

Sa report sa The Freeman ug Banat News  FB Page, ang ubang mga mananaog mao sila si  Jesselle Saniel sa Inasal Festival / Talisay City (1st runner-up); Jane Genobisa sa  Dakbayan sa Carcar  (2nd runner-up)  ; Sabrina Ruth De Los Santos sa  Banay Labangon (3rd runner-up); ug  Nathalie Shan  sa Pundok  Maampoong Cambihanon/  Barangay Cambinocot (4th runner-up).

Tungod sa kadaogan ni Afable , siya ang gipaabot nga moepresentar  sa  Cebu alang sa  Miss Millennial Philippines nga segment sa  noontime show sa GMA-7 nga Eat Bulaga.