Family Is Forever: Kapamilya Christmas Special 2019
Manila, Philippines — Hugyaw nga mga sonata nga ikapasigarbo gyud sa mga Pinoy maoy nipatigbabaw sa Family Is Forever: The ABS-CBN Christmas Special 2019 nga nahitabo niadtong Martes sa gabii didto sa Smart Araneta Coliseum.
Nagbaha ang kapamilya stars sa maong concert nga nihatag og libre nga kalingawan ngadto sa ilang loyal nga fans.
Usa kini ka makalingaw nga concert sanglit gisagolan kini og paukyab nga production number ug usa na niini ang pagluwa sa komedyanteng TV host nga si Vice Ganda.
Gikanta usab niya ang karaang Station Id sa ABS-CBN nga Star ng Pasko kauban ang ubang kapamilya stars sama nila ni Richard Yap, Jodi Sta. Maria , Richard Guttierez, Tirso Cruz III , Dimples Romana, Doris Borgonia , Albert Martinez ,Amy Perez, Ryan Bang ug Kim Atienza.
Kanta inubanan sa pagsayaw ang gidalit usab sa aktor nga si Coco Martin nga giabibahan usab og maayo sa audience.
Sa wala pa siya mo-perform, gipakita una sa VTR ang pagsuroy ni Coco sa mga lugar nga giigo og katalagman ug nipadangat siya og tabang niini.
Suma pa ni Coco nga ipatigbabaw gyud ang gugma panahon sa Pasko busa dili gyud kalimtan ang mga tawo nga nanginahanglan og tabang .
Nasayran nga nagpungasi ang career ni Coco busa gipaneguro gyud niya nga makapaambit sa uban sa mga grasya nga iyang nadawat .
Dako gyud ang iyang pasalamat sa suporta sa masa gumikan kay mao kini ang nag-unang rason nga nilungtad na og upat ka tuig ang teleseryeng Ang Probinsyano.
Todo pakpak usab ang audience sa paglugwa sa mga sikat kaayo nga magka-loveteam sa Kapamilya Network nga mabanhaw karong 2020 .Kini gilangkoban nila ni Kathryn Bernardo ug Daniel Padilla (KathNiel), ug Liza Soberano ug Enrique Gil (LizQuen).
Wala usab magpaulahi sa entablado pinaagi sa iyang dance number ang umaabot nga Darna nga si Jane De Leon.
Nakadawat usab og sipa kaayo nga pakpak gikan sa audience ang paglugwa sa mga batang bituon sa Kadenang Ginto nga si sila si Andrea Brillantes, Kyle Echarri, Francine Diaz, ug Seth Fedelin.
Giila ang upat isip The Gold Squad kun diin dili na malilong ang pagsaka sa ilang popularidad.
Nagdala gyud og mga dagkong banners nga mosiga ang ilang fans.
Nagpakilig sa mga tawo ang bag-ong magka-love team nga sila si Joshua Garcia ug Ella Salvador nga mga bituon sa Killer Bride .
Samtang nag-duet ang maghigala nga sila si Angel Locsin ug Angelica Panganiban.
Gipatigbabaw usab sa duha ang lig-ong panaghigalaay sanglit usa kini sa mga angayan ipatigbabaw sa Panahon sa Pasko.
Gilabwan usab nila ni Regine Velasquez, Sharon Cuneta ug Sarah Geronimo ang ubang rekord sa pakpak.
Gikanta sa tulo ka banggiitang singers ang awit ni Matt Monro nga Somewhere kun diin gipalanog gyud nila ang todo nila nga pagbirit.
Nahugyaw ang katawhan sa dihang nidalit usab og awit pinaagi sa tagsa tagsa nila nga pagtungtong sa entablado ang banggiitang Cebuana singers nga sila Dulce , Sheryn Regis ug Vina Morales.
Wala magpaulahi sa todo nila nga pagbirit sila si KZ Tandingan, Yeng Constantino , Morissette Amon, Angeline Quinto, Gary Valenciano, Erik Santos ,Piolo Pascual, ug Yen Laurel.
Nilugwa usab sa entablado ang sikat kaayo nga hugot singer nga si Moira dela Torre kinsa naka-duet ni Jose Mari Chan sa pag-awit og Be Careful With My Heart.
Gipalipay usab nila ni Vin Abrenica , Ejay Falcon,Gerald Anderson ug sa grupong Hashtags ang mga tawo pinaagi sa ilang makalingaw nga dance numbers.
Naukyab usab ang audience sa paglugwa sa sikat kaayo nga K-pop group nga Momoland.
Gipangulohan kini ni Nancy Jewel McDonie ug gi-perform nila ng sikat kaayo Naga Bboom Bboom ug Baam.
Nasayran nga adunay upcoming project si Nancy sa ABS nga nag-ulohan og Soulmate kun diin makapares niya si James Reid.
Gipaukyab nila og samot ang mga tawo sa dihang giawit nila ang Tagalog song nga unang gipasikat ni Yeng nga Salamat.
Sa katapusang bahin Sa Christmas special, nihatag usab og kinasing-kasing nga mensahe ang usa sa mga dakong opisyal sa ABS-CBN nga si Charo Santos Concio kinsa nipadyg nga usa gyud sa angayan hatagan og gibug-aton sa pagsaulog sa Pasko mao ang paghatag kanunay og importansya sa pamilya.
Ang Christmas Concert sa ABS-CBN i-ere balig duha ka episodes sugod karong weekend. Hugyaw nga song and dance number sa komedyanteng TV host nga si Vice Ganda.
- Latest