My Bakit List sugdan karon

CEBU, Philippines – Molugwa na sa mga sinehan karong adlawa (December 11), ang pelikula nga “My Bakit List” nga gibituonan nila ni Louise delos Reyes, Ivan Padilla, ug Prince Stefan.

Ubos sa direksyon ni Bona Fajardo ang maong romcom movie. Nagkalain-lain ang pangutana sa kinabuhi busa ang uban nakapangutana kun pila kini ka “bakit”.

Gidala ni Louise Delos Reyes ang karakter ni Dess nga gihulagway nga “relatable”.

Ang iyang karakter magsagubang  og nagkadaiyang situwasyon ug molihay sa toxic niya nga kinabuhi aron matubag ang mga pangutana niya sa iyang kinabuhi.

Dinhi magsugat ang dalan nila sa iyang ex-boyfriend nga si Ejay (Ivan). Dili gyud paminawon ni Dess ang rason ni Ejay sa pagbiya niini kaniya. Ug maabot sa punto nga wala na siya kahibalo sa iyang buhaton. Dinhi naumol ang duha niya ka pilianan, mag-hold on o mag-move on?

Una na nga gipadayag ni Louise nga kiligon ug magkatawa gyud ang manan-aw niini. Ang maong pelikula gipaluyohan sa Viva Films ug BluArt Productions.