Road to Miss Consolacion 2019
Miss Lamac 2013 - 2nd Runner Up (Brgy. Lamac)
Ambassadress of TC 2018 (University of San Carlos -Talamban Campus)
Banat News Hugyaw (BNH): Unsay labi nimong gipasigarbo isip Consolacionanon?
Rebelyn: Ang Consolacion kay usa gayud ka dakong luna. Bisan og sagad sa mga barangay kay bukid, dili lisod ang pag-adto sa patag. Duol sa merkado, sa mall, sa simbahan ug ubang pasilidad. Pagkahuman sa usa ka adlaw nga pagpaningkamot sa patag, naa kay ulian nga bugnaw nga hangin ug hilom nga kasilinganan.
BNH: Makiangayon ba nga adunay balaod nga magdili sa asawa/partner pagkuha sa atm card sa ilang bana/kapuyo? Ngano man?
Rebelyn: Dili makiangayon sanglit kung kamo makasal, mahimo kamong usa. Unsay imo, iya ug unsay iya kay imo. Dapat lang na naay access ang asawa sa atm sa bana kay ang mga asawa ang sagad mag-budget. Ug dapat sad gyud siguraduhon sa asawa na tarungon niya og dala ang kwarta.
BNH: Nganong ikaw maoy haom makoronahan isip Miss Consolacion?
Rebelyn: Sa mga miaging tuig, nasulod sa akong hunahuna nga moapil sa Miss Consolacion apan nagduha-duha ko. Gusto ko nga kung moapil ko, andam na gyud ko sa mga responsibilidad ug mature na akong panghunahuna. Karong tuiga, andam na gyud ko sa maong pageant maong haom ko nga makoronohan.
Miss Tourism Cebu 2019 – Top 5
Banat News Hugyaw (BNH): Unsay labi nimong gipasigarbo isip Consolacionanon?
Trisha: Isip Consolacionon, kanunay nako nga gidayeg ang Sarok Festival, kini ang adlaw sa pundasyon sa Lungsod sa Consolacion. Gawas nga gisaulog ang adlaw sa pundasyon sa lungsod, gidasig usab sa Sarok Festival ang pagpreserbar sa kasaysayan ug kultura sa atong lungsod.
BNH: Makiangayon ba nga adunay balaod nga magdilii sa asawa/partner pagkuha sa atm card sa ilang bana/kapuyo? Ngano man?
Trisha: Sa akong tinuod nga opinyon, ang pagtimbang-timbang makatabang gyud sa paghimo og desisyon.
BNH: Nganong ikaw maoy haom makoronahan isip Miss Consolacion?
Trisha: Haom ko nga modaog tungod kay inspirado ko nga motrabaho og maayo sa akong plataporma nga mao ang pagpauswag sa turismo sa among lungsod, ang Consolacion. Isip usa ka estudyante sa turismo, ganahan ko nga ipakita sa mga tawo kung unsa ang mahatag sa Consolacion. Tingali wala kitay maanyag nga mga baybayon, apan bulahan kami sa mga bukirang lugar nga usa ka maayo nga agianan alang sa agri-turismo.
- Latest