Nagkalawom ang relasyon
CEBU, Philippines — Malipayon si Carlo Aquino sa maayong dagan sa relasyon nila sa modelo nga si Trina Candaza.
Naandan na sa aktor nga sa dili mopaambit og taho kalabot sa iyang mauyab.
Nahibaw-an ang relasyon sa duha gumikan sa ilang sweet photos sa social media.
Una na nga nigawas ang tsika kaniadto nga mao kini ang rason nga nagmaoy og maayo ang kanhi uyab ni Carlo nga si Angelica Panganiban.
Doc Nielsen ug Doc Ferds mi-renew sa GMA
Gisaulog karong tuiga sa programang “Born to be Wild” sa GMA-7 ang ilang 12th anniversary.
Ang hosts niini nga sila si Doc Nielsen Donato ug Doc Ferds Recio ni-renew sa ilang kontrata sa GMA-7 dili pa lang dugay.
Nitambong sa contract signing mao sila si GMA Network Chairman and CEO Atty. Felipe L. Gozon, Senior Vice President for News and Public Affairs Marissa L. Flores, ug Senior Assistant Vice President for News and Public Affairs Arlene U. Caranay.
“Si Doc Ferds and Doc Nielsen ay hindi lamang beterinaryo, pero beterano na TV personalities. Sila lang ang may ganitong program sa television sa atin at ng maka-12 na taon na sila, ay talagang nagpapatunay na top rating ang kanilang program,” matud pa ni Atty. Gozon .
Nakat-onan ni Joshua
Usa sa nakat-onan ni Joshua Garcia sa niagi niya nga love life mao ang pagkontento sa usa ka tawo.
Wala modirekta og mention ang aktor kun kinsa ang iyang pasabot apan nasayod na ang kadaghanan nga si Julia Barretto ang katapusan niya nga nauyab.
Nagdumili gihapon sa paghatag og komento si Joshua kalabot sa pagkalambigit sa pangalan ni Julia sa breakup nila ni Gerald Anderson ug Bea Alonzo.
Yen ug Rafael sa MMK
Molugwa og balik sa telebisyon si Yen Santos pinaagi sa umaabot nga episode sa Maalaala Mo Kaya.
Makapares ni Yen sa maong episode ang aktor nga si Rafael Rosell nga bag-ohay lang nibalik sa ABS-CBN.
Katapusang nilugwa si Yen sa teleserye nga Halik.
Bag-ong awit ni Taylor i-release na!
Malipayong gianunsyo ni Taylor Swift nga i- release na ang iyang new single nga “Lover” karong Biyernes, August 16.
Suma pa sa singer nga naghinam-hinam na gyud siya nga ipadungog sa iyang fans ang bag-o niya nga awit.
Matud pa ni Taylor nga linahi nga estilo ang gidalit niya sa maong awit.
Gipahibalo sa singer ang usa sa mga linya sa maong awit nga nagkanayon , “My heart’s been borrowed and yours has been blue. All’s well that ends well to end up with you.”
Julia nagpa-relax sa HK
Usa ka semana human sa iyang pagpika kang Bea Alonzo pinaagi sa Instagram, nagpa-relax ang aktres nga si Julia Barretto didto sa Hong Kong.
Gikataho nga kauban ni Julia ang iyang mga higala ug usa na niini ang TV host nga si Alex Gonzaga.
Una na nga gilimpyohan ni Julia ang iyang pangalan sa pagka-link niya sa aktor nga si Gerald Anderson.
- Latest