CEBU, Philippines — Gisumsoman karon ang taho nga matud pa nakigbuwag na si Bea Alonzo ngadto sa aktor nga si Gerald Anderson. Nasayran nga nag-post si Bea sa iyang IG account niadtong Domingo nga naghisgot nga dili na siya magpatunto human nailad sa ikaduhang higayon.
“You can’t make the same mistake twice, the second time you make it, it’s not a mistake anymore, it’s a choice,” tipik sa post ni Bea nga dunay itom nga hulagway.
Nitumaw dayon ang mga pagduda nga posibleng duna kini koneksyon sa nitumaw nga intriga nga nag-link sa pangalan ni Gerald ngadto kang Julia Barretto. Kahinumdoman nga nag-uban kaniadto sila si Gerald ug Julia sa pelikulang Between Maybes
Dungan niini, usa ka netizen nga may IG name nga @cabrera.kath ang ni -upload og hulagway nga nagkuyog sila si Julia ug Gerald sa birthday party ni Rayver Cruz sa miaging gabii.
Nag-uban pa gyud ang duha nga nagsakay sa sakyanan nga sila lamang.
Giingong sa miaging semana pa nagbuwag sila si Bea ug Gerald. Samtang ang gidungog nga uyab ni Julia nga si Joshua Garcia, ni-post usab og nga maoy mga mensahe sa Instagram.
Gi-bash og maayo si Gerald gumikan kay matud pa kaduha na niya gipasakitan ang aktres.
Ang mga nangagi nga uyab ni Gerald sa showbiz mao sila si Sarah Geronimo, Kim Chiu ug Maja Salvador.