The Panti Sisters

CEBU, Philippines – Gipalugwa na ni  Jun Robles Lana ang pasiunang hulagway nila ni  Paolo Ballesteros, Christian Bables, ug Martin Del Rosario alang sa pelikulang  The Panti Sisters.

Gipakita ni Jun ang hulagway kun diin naka-custome gyud ang tulo ka mga bida.

Nasayran nga taod-taod na nga gipaabot sa ilang fans ang pelikula kun diin mag-uban silang tulo.

Star Magic- Batch 2019

Pormal na gipaila  sa miaging adlaw ang  maanyag ug ambongan  nga mga  sakop sa Star Magic Batch 2019  .

Gilangkoban kini nila ni Gillian Vicencio, Belle Mariano, Glen Vargas, Kendru Garcia, Ariell Roces , Eisel Serrano, Ra Lewis, Javi Benitez, Aiyana Waggoner, Arabella del Rosario, Anthony Jennings, JC Alcantara, Sophie Reyes, Melizza Jimenez , Jeremiah Lisbo ,  ug Kyle Echarri.

Kasagaran kanila ang nakabaton na og mga proyekto sa ABS-CBN. Sama nalang lang  Kyle nga kasamtangang makita  sa teleseryeng Kadenang Ginto.

Unsa man gyud?

Gitataw ni Sofia Andres nga 100% nga sila pa sa iyang uyab nga Cebuano racer nga si Daniel Miranda .  Gitubag niya kini sa dihang nangutana kaniya ang usa niya ka follower sa Instagram.

Una na nga niulbo ang tsika sa miaging adlaw nga nagbuwag ang duha human nila gipapas ang ilang sweet photos sa Instagram.

Wala pa gitubag ni Sofia kun unsa ang rason nga gipapas man niya ang hulagway nila ni Daniel.  Kahinumdoman nga nagkauyab ang duha sa hinapos nga bahin sa miaging tuig.  

Alex nag-sorry sa mayor

Personal  gyud nga nibisita  si  Alex Gonzaga sa buhatan  ni Paranaque  Mayor Edwin Olivarez sa miaging adlaw ug nangayo kini og pasaylo sa dili maayong pulong nga iyang nabuhian sa usa ka campaign rally kaniadto.

Nahitabo kagahapon ang panag-abot sa duha ka kampo.

Ang maong panghitabo gi-post sa Twitter account sa  ABS-CBN News reporter  nga si MJ Felipe.

“I appreciate na personal tayong nagkita today,” mensahe pa sa mayor ngadto kang  Alex.

Eddie mibalik sa GMA

Subling molugwa sa usa ka Kapuso show ang beteranong aktor nga si Eddie Garcia human sa taas nga panahon niya nga pag-istar sa Ang Probinsyano sa ABS-CBN. Malakip si Eddie sa  action-drama series nga pagabidahan nila ni  Gabbi Garcia ug Thea Tolentino.

Makatrabaho og balik ni Eddie ang kanhi direktor sa Ang Probinsyano nga si Toto Natividad nga unang nibalhin sa GMA-7.  

PDEA wala mahimuot sa “Amatz”

Nirekomendar  ang   Philippine Drug Enforcement Agency (PDEA) sa pagdili pagpatukar sa awit ni Shanti Dope nga  “Amatz.”

Sa usa ka statement kagahapon,  gibutyag ni  PDEA Director General Aaron Aquino nga ang  lyrics sa maong kanta nag-promote sa pagamit og  marijuana.

Nasayran nga lapad kaayo karon ang kampanya sa gobyerno batok  sa illegal drugs.

Tipik sa lyrics sa maong kanta nagkanayon “lakas ng amats ko, sobrang natural, walang halong kemikal.”

Gitataw hinuon ni Aquino nga dako siya og respito sa mga musikero, igo ra siya ni-react  sa mensahe sa maong kanta.

“We strongly oppose the promotion of musical pieces or songs that encourage the recreational use of drugs like marijuana and shabu. It is contrary to our fight against illegal drugs,” matud pa niya.

Todo pangandam

Tsika pa ni Heart Evangelista nga dili pud basta-basta ang iyang naagian sa wala pa sugdi ang shooting sa labing una niya nga international film  nga gi-shoot didto sa China.

Mao usab kini ang labing unang higayon nga nakasuway siya og action movie busa todo gyud ang iyang preparasyon niini sama pag-workout.

Gikatakdang molarga og balik si Heart sa China sa umaabot nga mga adlaw alang sa pagpadayon sa shooting sa maong proyekto.  

Shaina morampa sa Cannes

Niuban si  Shaina Magdayao sa delegasyon sa Pilipinas alang sa Cannes Film Festival.  Motambong si Shaina isip pagsuporta sa pelikula niya nga Ang Hupa  ni Direk Lav Diaz. Nagpanikad na ang aktres sa pagrampa sa red carpet.

Nag-agi og depresyon

Giangkon ni  Moira dela Torre nga nakasinati siya og grabe nga depresyon  ug maayo nalang gani nga naa sa iyang kiliran ang iyang bana nga si Jason Mavin Hernandez busa dali ra siya mahuwasan.  Dili kalimot si Moira nga gi-bash siya og maayo sa dihang gipaila-ila siya isip usa  sa mga hurado sa Idol Philippines.

Nagpanikad na

Posibleng isalmot sa Pista ng Pelikulang Pilipino  ang pelikulang Just A Stranger nga gibitoonan nila  ni  Anne Curtis, Marco Gumabaoug  Edu Manzano.  Excited na ang fans sa tandem nila ni Anne ug Marco.

Alang sa pamilya

Gikatahong gipalitan og  balay  ni  Jerome Ponce ang iyang pamilya.  Nitumaw ang tsika nga matud pa nga mahalon nga property ang gipalit ni Jerome.  Giingong gitigom gyud  sa aktor ang kita niya sa showbiz aron makab-ot ang iyang pangandoy alang sa iyang pamilya.

Ganahan mag-doktor

Tsika pa ni  Elisse Joson nga pangandoy gyud niya nga mahimong  doktor.  Na-busy lang gamay si Elisse sa iyang negosyo, apan wala niya  tuldoki ang posibilidad  nga ipadayon puhon ang pagkab-ot sa iyang pangandoy.”Sa life ko ngayon masaya ako sa kung ano ang nakukuha ko,” suma pa niya.

Best in sungog

Gisungog  ni Alex Gonzaga si  Heart Evangelista sa usa niya ka  vlog entry.  Sa pakighinabi ni Alex kang Heart, nilenggua kini og   “Ang galing, may echo.” Puwerting katawa ni Heart, sanglit ang gipasabot ni Alex mao ang iyang ex-boyfriend nga si Jericho Rosales.

Pag-arte ug pagkanta

Malipayong gipahibalo ni  Matteo Guidicelli nga duna siya’y umaabot nga pelikula kun diin ma-feature pud ang pipila ka mga  unod sa iyang album.  Kasamtangang  gi-promote ni Matteo ang  iyang first single,  ang version niya sa “Sundo” nga orihinal nga giawit sa grupong Imago.

Mibalik sa GMA

Human sa siyam ka tuig, balik GMA7 ang award-winning actress nga si Aiko Melendez. Malakip siya sa cast sa afternoon series nga Prima Donnas kauban sila si Katrina Halili, Wendel Ramos ug Chanda Romero. Katapusang proyekto ni Aiko sa GMA7 mao ang “Basahang Ginto” niadtong 2010.

Richard ug Jessa mag-duet

Maghiusa sa concert stage sila si Richard Poon ug Jessa Zaragoza . Ang maong konsyerto nag-ulohan og  “Just Right” nga mahitabo karong  June 8 sa  Newport Performing Arts Theater.  Lahi-lahi ang  estilo nila sa pagkanta busa excited na ang ilang fans sa kombinasyon sa ilang tingog.

Pasok sa Netflix movie

Bida ang Filipino-Italian actor  nga si Marco Grazzini sa  Netflix movie  nga Good Sam. Nahimong  winner  si Marco kaniadto sa Mossimo Bikini Contest nga gipahigayon sa  Boracay. Pinay ang inahan ni Marco.