Sofia ug Cebuano racer nagbuwag?
Sanden J. Anadia (Banat) - May 22, 2019 - 12:00am

CEBU, Philippines — Nitumaw karon ang taho nga matud pa nga nagbuwag na  sila si  Sofia Andres  ug ang  Cebuano racer nga si Daniel Miranda human nahilom ang duha sa pag-post og sweet photos sa Instagram.

Nabatyagan usab nga  gipapas  ni  Sofia ang mga hulagway nila ni Daniel.

Una na nga nigawas ang report nga nagkauyab ang duha niadtong October 2018.

Sa pagsuwat niining balitaa, wala pa motingog ang duha ka kampo kalabot sa maong taho.

Gipublikar na ang  relasyon

Tsika pa ni  Heaven Peralejo nga wala ra niya gisaba-saba ang pagpangulitawo ni  Jimuel Pacquiao ngadto kaniya gumikan sa tumang pressure.

 Nasayran nga anak ni boxing champ Manny Pacquiao  si Jimuel.

Niabot og usa ka tuig ang pagpangulitawo ni Jimuel kang Heaven.  Dili pa lang dugay, gipublikar na sa duha ang ilang relasyon.

Chainsmokers mobalik sa nasud

Nagmaya ang  Pinoy fans  sa    Chainsmokers human nitumaw ang balita nga mobalik ilang idolo dinhi sa Pilipinas alang sa usa ka konsyerto.

Gikatahong mahitabo kini karong Agosto  busa nagpanikad na og maayo niini ang ilang fans.

Ang Chainsmokers gilangkoban nila ni Andrew Taggart ug Alex Pall . Katapusang nag-concert ang Chainsmokers sa nasud nahitabo niadtong 2017.

Kini maoy  nagpasikat sa awit nga” Roses”  , “Don’t Let Me Down” , “ Paris”  ug “Something Just Like This”.

Kurbada milutaw

Gipistahan karon sa netizens  ang bag-ong hulagway nga gi-post ni  Jessy Mendiola   sa social media kun diin nagsul-ob  siya og swimsuit. 

Nilutaw  gyud  ang  kurbada sa lawas ni Jessy  busa nakadawat kini og daghang pagdayeg.

Una na nga gipadayag ni Jessy nga  dili niya angay ikaulaw ang iyang lawas , bahalag unsa ang pamorma niini.

Justin manginabuhi sa nasud

 Nipirma  na og kontrata sa  Star Music PH   dili pa lang dugay  ang kanhi contestant sa X-Factor Australia 2014 nga si   Justin Vasquez. “I was just mesmerized kasi po never ko pong naisip na I will ever get to this position—very surprising and of course, very happy,” suma pa niya.

Natawo  si Justin sa Pilipinas, apan nagdako na kini  sa  Melbourne. Usa sa dili malimtan sa mga tawo mao ang performance niya kaniadto sa X-Factor Australia  kun diin nakadawat siya og standing ovation tungod sa hugyaw niya nga rendisyon sa  “Sunday Morning” sa  Maroon 5.

Usa sa gipangandoy ni Justin nga maka-duet puhon  mao ang Kapamilya singer nga si Kyla .

Awit nila ni Justin ug Ed gihangop

Gikagat sa publiko   ang  awit  nga gigama nila ni Justin Bieber ug  Ed Sheeran nga “I Don’t Care”.

Nasayran nga  ni-click dayon kini sa mga  music chart sa nagkalain-laing nasud.  Gikalipay og maayo ang maong kolaborasyon sanglit nag-uban gyud ang puros mga lig-on. 

Gold Squad mikisaw

Sikat kaayo sa social media ang  termino nga Gold Squad ug mao kini ang grupo  nga gilangkoban sa Kadenang Ginto stars nga sila si   Andrea Brillantes, Francine  Diaz , Seth Fedelin ug Kyle Echarri.

Matud pa nga ang fans ra nila ang nagmugna niini   ug mao na kini ang kasagaran nga gamiton sa pagtawag kanila.

Nasayran nga naglawig og maayo sa ere ang maong teleserye. 

Alden gidayeg ni Daniel

Nakadayeg  si Daniel Padilla sa kabuotan ni Alden Richards. Nasayran nga nakaduaw si Daniel sa set sa pelikula nila ni Alden ug Kathryn Bernardo sa miaging adlaw busa nagkaila-ila gyud sila sa personal.   Nag-uban sila si Alden ug Kathryn sa pelikulang Hello, Love, Goodbye.

Nauyonan sa publiko

Nanawagan ang fans nila ni  Maris Racal ug  McCoy de Leon nga unta mag-uban og balik ang ilang idolo sa usa ka proyekto. Kahinumdoman nga gikilig ang kadaghanan sa dihang nilugwa ang duha sa episode sa Maalaala Mo Kaya niadtong Sabado. Giangkon ni McCoy nga gikilig gyud siya sa mga eksena nila ni Maris.

Mawili sa mga kauban

Giangkon ni  Glydel Mercado nga maguol gyud siya kun mahuman na ang  Kara Mia  gumikan kay nasuod na niya og maayo ang mga bida niini nga sila si  Barbie Forteza ug Mika dela Cruz.  Suma pa sa aktres nga malingaw gyud siya ikauban sa trabaho  ang nahisgotan nga mga artista.

Nakadawat sa kapildihan

Gitataw ni  Agot Isidro  nga nadawat ra niya ang kapildihan sa iyang boyfriend nga si  Florin Hilbay kinsa nidagan pagka-senador sa bag-ohay lang nga piniliay.  Suma pa niya nga dili tinuod ang mga tsika nga matud pa wala siya kadawat sa pagkaparot sa iyang uyab.

Nagkalig-on

Duha ka tuig  na ang relasyon nila ni Paulo Avelino ug  Jodie Tarasek. Suma pa ni Paulo na hilom ra ang ilang relasyon   ug nakauyon siya og maayo niini.  Matud pa sa aktor nga pribado ra ang maong butang busa dili kinahanglan nga kanunay  siya mohatag og detalye sa ilang relasyon.

Masakitan usahay

Naanad na si  Moira dela Torre  nga i-bash apan dili malikayan nga masakitan siya usahay. Gipaneguro  sa singer nga dili maapektohan ang iyang pagka-hurado sa Idol Philippines busa kever nalang siya sa mga ipanulti sa  iyang bashers.

Malipayon pagka-single

Tsika pa ni Winwyn Marqurez nga malipayon ra siya sa iyang pagka-single bisan paman nga dili pa 100%  nga naka-move on siya sa breakup nila ni Mark Herras.   Matud pa ni Winwyn nga wala gyud siya’y  ngil-ad nga masulti sa iyang ex-boyfriend.

Naka-move on na

Naka-move on na si  Jane Oineza sa breakup nila ni kanhi “Pinoy Big Brother” housemate  nga si Kyle Secades.”Parang ang gaan ng pakiramdam ko ngayon. Mas naka-focus na ako ngayon sa sarili ko, sa happiness, nothing’s gonna stop me, parang ganun ang pakiramdam ko ngayon,” suma pa ni  Jane.

Nagminyo na

Gikasal na si  AJ Muhlach ngadto sa iyang  longtime girlfriend nga si Anna Patricia Mabasa sa miaging adlaw.  Malipayon si AJ gumikan kay nakauban na gyud niya ang babaye nga dugay na niya nga gipangandoy.

Teaser sa Indak

Gipagawas na ang teaser sa  pelikulang ‘Indak’ nga gibidahan nila ni  Nadine Lustre, ug Sam Concepcion. Makita ang mga eksena nga gi-shoot didto sa South Korea.  Mga hugyaw nga steps sa pagsayaw ang makita sa maong pelikula.

CEBUANO RACER
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with