Maledicto

CEBU, Philippines — Mapagawas karong Mayo 1 ang pelikula nga bidahan nila ni Jasmine Curtis ug Tom Rodriguez nga nag-ulohan “Maledicto”. Ang maong role nilang duha mao ang pagpakig-away batok sa mga yawa. Magtuk-ang maong pelikula kabahin sa exorcism.

“No, never”

Loyal gyud ang Kapuso aktor nga si Dingdong Dantes sa iyang mother network. Hugtanon niyang gitubag ang pangutana kun aduna ba siya’y plano nga mobalhin og estasyon. “No, Never”, mao kini ang tubag ni Dingdong.

Mugna ni Lhuillier

Inanay na gyud nga nangandam si Zsa Zsa Padilla alang sa ilang kasal ni Conrad Onglao human nga malampuson nga na-annul sa usa ka hapon nga matud pa nahimo kini niya asawa bisan og wala siya’y kalibutan. Hugyaw sab gyud ang sul-ubon nga wedding gown ni Zsa Zsa gumikan kay mugna kini sa international designer nga si Monique Lhuillier. Si Monique mao ang nigama sa gisul-ob nga gown sa sikat nga aktres sa Fifty Shades Freed nga si Anastasia Steel.

Giadto sa amahan sa uyab

Gibutyag ni Yamyam Gucong nga aduna siya’y uyab. Upat ka tuig na sila nga magkarelasyon niini. Matud pa niya nga nakaila niya ang iyang uyab human sa nahitabong 7.2 magnitude nga linog didto sa Bohol. Duha ka tuig nila nga gitaguan ang ilang relasyon gumikan kay menor de edad pa kini sa dihang gisugot siya sa babaye apan sa dihang kalit siya nga giadto sa amahan niini sa tunghaan niya, dali siya nga mibisita pagkagabii niini.

Solid Fan

Solid fan gyud si Maymay Entrata sa KathNiel hangtod karon. Matud pa niya nga kanunay gyud siya nga magsunod sa mga proyekto sa duha bisan niadtong dili pa siya artista. Dakong kalipay niya nga nakauban niya sila sa mga proyekto sukad nga nakadaog siya sa PBB. “Ang paghanga ko nuon hanggang ngayon ay walang kupas lalo na’t binigyan nyo ko ng pagkakataon na kilalanin kayo hindi bilang artista kundi yung ‘Kayo’, suma pa ni Maymay.

Nahimamat si Ne-Yo

Sa pagpa-relax karon sa teen star nga si Ylona Garcia sa Los Angeles, dakong kalipay niya nga nahimamat ang  ‘World of Dance’  host nga si Ne-Yo. Wala gyud gipalabay ni Ylona ang higayon ug nagkuha gyud kini og hulagway.

Kauban ang pamilya sa uyab

Dili gyud malimtan ang nahitabong Semana Santa ni PBB housemate Andre Brouillette gumikan kay nakauban niya ang pamilya sa iyang girlfriend nga si Lou Yanong. Mao kini ang unang higayon ni Andre nga makasinati sa pagsaulog sa Semana Santa dinhi sa Pilipinas.

Ikatulo nga anak

Malipayong gipahibalo sa komedyante nga si Jason Gainza nga natawo na ang iyang ikatulo nga anak nga si Raven Luke niadtong Martes. Dakong pasalamat ni Jason gumikan kay luwas nga nakapanganak ang iyang misis nga si Denden.

Mibalik sa spotlight

Mibalik na sa spotlight ang aktor ug ang kanhi Hashtag member nga si Bugoy Cariño. Aduna kini bidahan nga pelikula nga nag-ulohan ‘Sa Mga Sulok Ng Pangarap’. Makauban ni Bugoy ang iyang kauban sa ‘Goin’ Bulilit’ kaniadto nga sila si Belle Mariano ug Izzy Carino.

Skypod

Hapit na gyud mahuman ang dream house sa PBB Big Winner nga si Slater Young. Mao kini ang mahimo nilang balay sa iyang asawa nga usa ka blogger nga si Kryz Uy. Matud pa ni Slater nga pagatawagon ang iyang balay og “Skypod” ug ang maong pangalan naggikan sa ilang initial sa ilang pangalan nga “Slater Kryz Young”.