Jung Joon gisikop

CEBU, Philippines — Gisikop sa kapolisan   ang  K-pop star   nga si  Jung Joon-young , pipila ka oras human sa pagpangayo niya og pasaylo  gumikan sa pagmugna ug pag-apod apod og  sex videos.

Nasayran nga  gi-share niya ang mga sex videos pinaagi sa mobile chat rooms kun diin nalakip niini  ang K-pop star  nga sakop sa Bigbang nga si Seungri .

“I am sorry. I made a big and inexcusable mistake, and I admit my guilt.I will live my days repenting for the sins,” suma pa ni Jung.

Una na nga gianunsyo ni Jung sa miaging semana nga manamilit na siya sa showbiz.

JBK makabaton og major concert

Isip pagsaulog sa ikalima na nila ka tuig sa  industrya,  ang millennial trio  sa  GMA Artist Center nga JBK mopahigayon sa ilang first  major solo concert nga nag-ulohan og “Just Be Kind”  karong  March 29 sa  Music Museum.

Ang  maong Kapuso all-male group naglangkob nila ni Joshua Bulot, Bryan del Rosario ug Kim Ordonio.

Mao kini ang  Filipino boyband nga nakatungtong sa  international stage isip  “Millennial Trio” sa The X-Factor UK niadtong  2017.

Tipik sa kita sa   concert idonar ngadto sa Mabuhay Desert Foundation, YesPinoy Foundation ug HERO Foundation, Inc.

10 anyos nga Pinay gipakpakan

Laing garbo sa Pilipinas ang nikulit og eksena sa publiko   gumikan sa hugyaw nga performance  niini sa episode sa Asia’s Got Talent” niadtong Huwebes. Nikanta ang 10 anyos nga Pinay nga si  Eleana Gabunada og “Defying Gravity”  ug nakadawat gyud siya og standing ovation sa mga  audience.

Nakauyon pag-ayo sa iyang performance ang mga hurado  ug mao kini ang rason nga makatungtong na siya sa grand finals.

Reklamo ni Gretchen batok kang Ces gibasura

Gibasura  sa  Office of the Prosecutor sa Quezon City ang reklamong libel nga gipasaka  ni Gretchen Fullido batok nila ni  Ces Drilon ug Marie Lozano.

Kalabot kini sa pagdepensa ni Ces  sa TV Patrol supervising producer nga si Cheryl Favila ug sa segment producer nga si Maricar Asprec.

Kahinumdoman nga gipasakaan og sexual-harassment complaint ni Gretchen ang maong duha ka news executives.

Apan gitataw ni Ces nga  dili tinuod ang gipanulti ni Gretchen.

Si Gretchen   sa iyang bahin,  giingong  nakahatag og  kadaot sa iyang reputasyon ang gibuhat ni  Ces   gumikan kay duna kini bati nga gipanulti batok kaniya.

Anne mihangyo sa GMA

Gipasigarbo pag-ayo ni Anne Curtis ang performance sa iyang igsuon nga si Jasmine Curtis-Smith  sa teleserye sa GMA-7 nga  Sahaya.

Gi-share ni Anne sa iyang Twitter account ang lima ka minutos nga dramatic performance ni Jasmine sa Sahaya.

Sa caption niini, gibutangan ni Anne og heart emoji isip pagdayeg niya sa GMA  ug nihangyo siya nga dugangan pa og dugang bug-at nga roles ang iyang igsuon. 

 “Watched this highlight video of my Sestra for her performance in Sahaya. Hi, GMA .  More roles like this for my amazing actress of a Sestra. Love you! Napakahusay mo talaga!!!!,” tweet pa ni Anne.