Dream role ni Angel

CEBU, Philippines – Dream role ni Angel Locsin ang modala sa karakter sa usa sa mga bayani sa atong nasud nga si Gabriela Silang. Usa ka netizen ang misugyot kun modawat ba siya og mga role sa usa sa mga bayani ug matud pa niya modawat siya kun adunay motanyag kaniya.

Naguba ang korona

Gipahibalo ni miss Universe 2018 Catriona Gray nga naguba ang iyang Mikimoto crown nga gisul-ob atol sa iyang homecoming grand parade. Matud pa niya nga tungod sa maanindot nga tugtug sa banda, nakasayaw siya niini bisan og dili siya maayo nga dancer. Matud pa niya nga tungod sa iyang kaluhag, naguba ang korona. Gipasalig niya nga ipaayo kini sa Miss Universe Organization.

Naghuwat sa Reunion

Lima ka mga pelikula ang nakatakda nga buhaton karon ni Piolo Pascual karong tuiga. Matud pa sa aktor nga maghuwat siya kun kanus-a mahitabo ang ilang reunion movie ni Judy Ann Santos. Nagkauban ang duha sa usa ka pelikula niadtong 2006 nga ‘Don’t Give Up On Us Baby’.

Nagpasalamat ni James

Bisan og buwag na si Kris Aquino sa iyang kanhi bana nga si James Yap apan mapasalamaton gihapon siya niini nga gihatagan siya og anak nga si Bimby. “Had it not been for you [James], of course walang Bimb. So thank you for Bimb and God bless you and God bless your family,” suma pa ni Kris sa iyang vlog.

Mobalik si James

Human sa “Vince and Kath and James” niadtong 2016, mobalik na sab sa big screen si James nga gidala ni Ronnie Alonte sa bag-ong pelikula nga “James and Pat and Dave” kun diin makauban niya sila si Loisa Andalio ug Donny Pangilinan.Tsika pa ni Ronnie nga taud-taud sab siya nga naghuwat sa maong dako nga pelikula nga maabot ngadto kaniya gumikan kay taud-taud na sab siya nga wala matanyagi og proyekto.

Upat ka anak

Buot nga makabaton og upat ka mga anak si Gerald Anderson kun maminyo na siya ngadto sa iyang girlfriend nga si Bea Alonzo. Matud pa ni Gerald nga mamundo gyud siya  pag-ayo aron aduna siya’y ikabuhi niini.

Gusto og pribado

Tsika pa ni Kiko Estrada nga gusto niya nga ipabiling pribado ang iyang lovelife status. “I’m not showbiz [type of actor], I don’t have relationships to promote anything. My private life is my private life. I’m [more] focused on the craft”, suma pa ni Kiko.

Mahilig og koreanovela

Gibutyag ni Gelli de Belen nga adunay nataypan ang iyang bana nga si Ariel Rivera nga laing babaye. Asoy pa ni Gelli nga usa ka bida sa Korean series nga ilang gitan-aw mao ang kanunay nga gisubay  ni Ariel. Dugang pa niya nga magkatawa siya sa kausaban sa ilang kinabuhi gumikan kay magdungan na sila og tan-aw og mga Koreanovela.

Nibalik sa culinary

Mibalik na sa culinary school ang aktres nga si Ara Mina human sa unom ka tuig. Matud pa ni Ara nga ni-enroll siya pagbalik aron nga ipalambo ang iyang kaalam sa pagluto ilabi na sa paghimo og pastry.