CEBU, Philippines — Gipasakaan matud pa og kasong cyber libel si Juan Karlos Labajo sa inahan ni Darren Espanto nga si Marinel Gonzales-Espanto.
Sa report sa PEP, giingong naglagot og maayo ang ginikanan ni Darren sa mga gipang-post kaniadto ni JK sa social media.
Giingong gihuwat ra diay sa ginikanan ni Darren nga motungtong og 18 si JK niadtong Pebrero 5, 2019 aron mapasakahan kini og kaso.
Dunay mga pagduda usa kini sa rason kun nganong saputon si JK kun makadungog sa pangalan ni Darren.
Kahinumdoman nga puwerting lagota ni Darren human ginganlan siya ni JK og bayot. Gihimakak hinuon ni JK ang maong pasangil ug nitataw nga dunay nanghilabot sa iyang social media account.