Nag-uban sa party

CEBU, Philippines — Nasigpatan nga nag-uban ang rumored couple nga silang Maine Mendoza ug Arjo Atayde sa  JackEmPopoy: The Puliscredibles appreciation party niadtong Sabado didto sa Trellis Manila, Quezon City. Gi-upload sa Instagram ni ABS-CBN AdProm Head Eric John Salut ang hulagway nilang Maine ug Arjo, uban ang film director nga si Mike Tuviera. Ang JackEmPopoy kay lakip sa Metro Manila Film Festival 2018 nga gibidahan nilang Coco Martin, Maine ug Vic Sotto.

Miriam nanganak na

Malamposon ang gihimong Cesarian operation sa 43 anyos nga former beauty queen Miriam Quiambao ug luwas nga gipakatawo niini ang batang lalaki nga ginganlan  og Elijah. Daling nag-post sa social media ang bana sa beauty queen nga si Ardy Roberto sa labing unang family photo nila. "Welcome to the world, Elijah! Thanks for your prayers! Everything went well with the emergency CS tonight. So blessed and overwhelmed by God's goodness!"post pa niini.

Pasok sa Kapuso series

Gikatakdang molugwa sa labing unang teleserye niini sa GMA-7 nga Love You Two ang uyab ni Ms. Universe 2018 Catriona Gray nga si Clint Bondad human kini nibiya sa ABS-CBN. Makauban ni Clint silang Jennylyn Mercado, Shaira Diaz ug Gabby Concepcion. Ang labing una nga regular teleserye ni Clint mao ang Be My Lady nilang Erich Gonzales ug Daniel Matsunaga niadtong 2016 ug nahimong parte sa ASAP's former boy group nga Coverboys.

Mo-graduate na gyud!

Gikatakdang mogradwar na sa kolehiyo dili madugay ang Kapuso actress Yasmien Kurdi sa kursong Political Science didto sa Arellano University. Gipaambit kini sa aktres pinaagi sa usa ka Instagram post. Giingong nikuha ang aktres kaniadto og kursong Foreign Service ug Nursing apan wala niya kini nahuman tungod sa iyang ka-busy sa trabaho sa showbiz .

Sa Divisoria nag-date

Lahi sa ubang celebrity couple, yano ang pagsaulog nilang Jennica Garcia ug Alwyn Uytingco sa ilang anniversary diin gisaulog nila kini pinaagi sa pagpangompra didto sa Divisoria. Namalit matod pa ang manag-asawa og mga gamit para sa ilang plant nursery, nga ginganlan ni Jennica og Duwende In A Pot.Sukad gikasal ang duha niadtong February 12, 2014, nisaad sila nga mopuyo og simple ug yano lamang nga kinabubi.

Slater Young gikasal na!

Gikasal na ang former Pinoy Big Brother grand winner Slater Young ngadto sa vlogger girlfriend niini nga si Kryz Uy niadtong Sabado pinaagi sa usa ka garden wedding didto sa Shangri-La Mactan Resort and Spa. Usa sa nisalmot sa maong seremonyas mao ang suod nga higala ni Slater nga si Sam Milby. Kahinumduman nga nag-propose si Slater ngadto ni Kryz niadtong Marso 2018 didto sa Niseko in Japan.

Nakig-partner sa NatGeo

Dungan sa pag-anunsyo niya sa bag-ong season sa iyang advocacy-travel show nga GDiaries, malipayong gipaambit sa host ug environmentalist nga si Gina Lopez nga aduna na silay partnership karon ngadto sa National Geographic Channel PH. Magsugod matod pa ang new season karong Marso 3 sa ABS-CBN. "It's not the money that really made the difference, it's the heart. It's when you really care," sigon pa ni Gina.

Real Fantasy

Hangtod karon,wala pa gihapon naka-move on si Anne Curtis sa iyang grabeng kalipay sa gihimong surprise birthday greetings sa iyang idolo nga international star nga si Dua Lipa. Gipakita ang maong video greetings sa programang It's Showtime! sa ABS-CBN atol sa iyang 34th birthday celebration sa maong programa. “Real Fantasy. I won’t stay quiet! MWAH! GUARANTEED YOU TOTALLY BLEW MY MIND @dualipa and I am DYING to SEE YOU perform again real soon! I have no words. My fan girl heart is so happy. Never in my wildest dreams,” post pa ni Anne.

Midayeg ni Troye

Gipaambit sa Filipino vlogger nga si LA Aguinaldo ang iyang kasinatian sa dihang personal niyang nakaistorya ang Australian singer-songwriter nga si Troye Sivan atol sa ilang intimate sit-down interview para sa iyang vlog. “Troye is honestly one of the nicest people you could ever meet. Like he made me feel like I was his friend talaga na parang magkabarkada lang kami. And I think that’s his appeal talaga to his fans. So it was so dope,”sigon pa ni LA.

Nakahilak sa kalipay

Nahimong emosyonal ang Kapuso actress nga si Kris Bernal atol sa paglusad  niya sa kaugalingong make up brand nga SHE Cosmetics didto sa Bonifacio Global City, Taguig niadtong Huwebes. Dako sab siya og pasalamat ngadto sa mga tawo nga dako og natabang sa pagkab-ot sa iyang pangandoy. "Kasi ang hirap niya talaga gawin as in from the start pa lang. So, hindi na ko tumigil magtrabaho for SHE to the point na ang dami nang naapektuhan, yung work ko, yung family ko,"sigon pa

Romantic dinner

Gisaulog nilang Khalil Ramos ug Gabbi Garcia ang Valentine's day pinaagi sa usa ka romantic candlelit dinner sa usa ka restaurant nga gipanag-iya sa usa ka Italian chef nga si Davide Oldani. Gipaambit ni Khalil sa Instagram ang sweet moments nila ni Gabbi atol sa ilang date. "Scenes from the day of love," caption pa sa Kapamilya actor.