Mitubag sa basher

CEBU, Philippines — Gitubag sa Kapamilya star Bela Padilla ang usa ka netizen human kini niasoy nga bitay matud pa ang iyang sampot. Kalabot kini sa one-piece bikini photo nga gi-post sa aktres sa Instagram. "No, I don’t need anything more, quite happy with what I have ,”tubag pa ni Bela ngadto sa hinawayon nga netizen.

Dungan ang selebrasyon

Dungan nga magsaulog sa ilang birthday ang manag-agaw nga silang Katrina ug Sheena Halili pinaagi sa pagbakasyon didto sa Japan. Gisaulog ni Katrina ang iyang ika-33 nga adlawng natawhan samtang ika-32 kang Sheena. "We are both celebrating our birthdays together here in our favorite country. Happy birthday sa ating dalawa! Wishing you good health and more projects ngayon 2019!sl,"sigon pa sa Instagram post ni Sheena.

Dakong hagit

Gikulbaan matod pa silang Super Tekla ug Boobay sa pag-atbang sa ilang show nga The Boobay And Tekla Show (TBATS) ngadto sa walo na ka tuig nga programa ni Vice Ganda nga Gandang Gabi Vice (GGV). “Sino bang hindi kabahan? And yung kaba, lalabanan mo lang naman yun, e. Wala po kaming intensiyon na babanggain. Me and Vice, Vice is a good friend of mine,"sigon pa ni Tekla.

R-18

Napuno sa senswal nga mga linya ug mga pulong ang pelikulang Born Beautiful ni Martin del Rosario ubos sa direksyon ni Perci Intalan. Busa dili kini haum sa mga batang manan-away busa gihatagan kini sa MTRCB og rating nga R-18. Apan sigon pa sa ubang nakakita atol sa pre-viewing niini, dili kini binastos kun dili usa ka comedy nga makapakatawa ug makatandog sa emosyon sa viewers. Ipasalida ang maong pelikula karong Enero 23.

Mipadangat sa ilang pahasubo

Nagpadayag sa ilang pahasubo pinaagi sa social media ang pipila sa mga artista ug personalidad sa pagpanaw sa usa sa labing adunahan nga tawo sa Southeast Asia ug tag-iya sa SM Group nga si Henry Sy Sr. Pipila kanila mao silang AiAi delas Alas, Luis Manzano, Gretchen Ho, David Licauco ug Karen Davila.“Salamat po at may SM .. dahil sa sm maraming pilipino ang may trabaho, maraming schools na napatayo , maraming mahirap na studyante na napag aral,”tipik pa sa post ni AiAi.

Loyal Kapuso

Kuntento na matod pa si Bea Binene sa iyang karera ubos sa GMA-7 ug wala siya'y planong mobalhin og laing istasyon. Gipabug-atan sa Kapusong aktres ang loyalty sa usa ka artista ngadto sa network nga nagpasikat niini."I will always be grateful to GMA. I would love to see yung pag-appreciate sa loyalty. Wala po akong pinapatamaan!"sigon pa niini.

Proud sa stretch marks

Nakadawat og pagdayeg sa mga netizens ang model nga si Kat Gumabao human mapasigarbubong gipakita niini ang iyang stretch marks ug mipasabot sa uban nga dili kini angayan ikauwaw. "Be REAL in this pretentiously perfect world. It’s normal to have stretch marks, a not so tight belly, acne, scars and whatever it is that you see when you zoom in,"caption pa sa Instagram photo niini.

Kinsa ang nag-propose?

Naintriga ang KathNiel fans tungod sa post sa inahan ni Kathryn Bernardo nga daw adunay nag-propose nga tawo nga iyang nailhan. Pipila ka Kathniel fans ang naglaum nga unta si Daniel Padilla ang nag-propose ngadto sa uyab niini nga si Kathryn Bernardo. Wala pa mohatag og katin-awan niini ang Kapamilya loveteam sanglit tua pa sila sa Japan alang sa ilang misyon isip Land of the Rising Sun's newest celebrity ambassadors.

Mapaubsanon gihapon

Wala matod pa gihuna-huna sa singer nga si Julie Anne San Jose nga siya na ang nipuli sa trono ni Regine Velasquez isip bag-ong rayna sa GMA-7.

Bag-o lang ni-renew sa iyang kontrata isip Kapuso ang nailhang Asia’s Pop Sweetheart sa GMA-7. “I don’t think so, Ate is just Ate. I just want to inspire people with my music.Singing has always been my passion,"asoy pa niini.

Jake gidayeg

Gidayeg si Jake Zyrus sa pipila ka netizens tungod sa pag-post niini og "#10YearChallenge" diin gikumpara niya ang iyang duha ka mga hulagway nga kuha niadtong 2009 nga nailhan pa siyang Charice ug ang 2019 photo isip Jake Zyrus. "Beautiful, handsome, always authentic, real. I am so proud of you for walking and singing in your truth," sigon pa sa usa ka netizen.