CEBU, Philippines – Human gipahibalo nga nagsabak siya bisan nga edaran na siya, gipaambit sa 43-anyos nga former beauty queen Miriam Quiambao nga na- diagnosed siya og Obstetric Antiphospholipid Antibody syndrome ug namiligro ang iyang pagsabak. “I was diagnosed with Obstetric APAS and need to inject every night for the whole duration of my pregnancy,”post pa niini.
Daniel-Charo magpares?
Nanggawas karon ang hulagway nilang Daniel Padilla ug Charo Santos nga giingong kuha atol sa panagtagbo nila kauban si Spring Films director Joyce Bernal. Tungod niini, daghan ang nagtuo nga mag-uban sa usa ka pelikula silang Daniel ug Charo.
Mag-uban og balik
Human sa ilang malamposong Divas Live in Manila concert niadtong 2016, gikatakdang mag-uban pag-usab sa usa ka concert silang Queen of R&B Kyla, Soul Supreme KZ Tandingan, Pop-Rock superstar Yeng Constantino ug Queen of Theme Songs Angeline Quinto karong December 15. Aduna matod pa silay special collaboration kauban ang international music artists, Boyz II Men.
Niladlad na
Wala’y duha-duha nga nipabuhagay sa iyang gibati sa social media ang aktor ug host nga si Paolo Ballesteros ngadto sa iyang rumored boyfriend nga si Kenneth Gabriel Concepcion. Nagbinayloay og mga sweet comments ang duha sa giupload nila nga hulagway. Kahinumduman nga bag-o lang nag-post si Kenneth og picture sa bouquet of flowers nga gihatag niya ngadto ni Paolo pag-birthday niini.
Ikawalo na
Laing anghel ang napuno sa mga anak ni businessman Joel Cruz. Pinaagi sa usa ka video, gipaila-ila ni Joel ang bag-o niyang anak nga si baby Ziv, kinsa gipakatawo pinaagi sa usa ka surrogate mother sa Russia niadtong Nobyimbre 6. Mao kini ang iyang ikawalong anak nga nagpuyo karon sa iyang mansion uban kaniya.
Gipasigarbo ang singsing
Mapasigarbubon nga gipost ni Regine Velasquez ang hulagway sa iyang kamot diin makita ang mahalon nga singsing nga gihatag ni Sharon Cuneta ngadto kaniya. “Minsan talaga ang life gumagawa ng paraan para ibaba ka sa earth. Yung akala mo ang ganda ganda mo busybusyhan sing kiti sing. Tapos may pangmayaman na singsing galing kay mega Ang ganda!,”post pa sa singer.
Reunion na kaha?
Daghan ang na-excite sa posibling reunion movie nilang Piolo Pascual ug Judy Ann Santos human nigawas ang hulagway atol sa ilang panagtagbo sa elevator atol sa Family Is Love Christmas Concert. “Waah! Piolo-Juday! Alam ko na [kung] bakit sobrang tagal ni [Piolo] nag-antay ng elevator. kasi naka-tadhana na magkita sila ni Juday! Hahaha! Movie naman diyan! Direk [Bb. Joyce Bernal], ito na ba ang sign? Haha,” caption pa usa ka Instagram user.
Gibuking ni Ruffa
Gibuking ni Ruffa Gutierrez ang iyang mga igsuong lalaki nga silang Richard ug Raymond Gutierrez nga daw nag-away sila kaniadto tungod sa usa ka babaye. “Wala ako doon. Pero nabalitaan ko si Mond (Raymond) and Chard (Richard) hindi nag-usap ng isang taon. ‘Wag na nating banggitin ang name dahil may kanya-kanya na silang buhay ngayon,”tipik pa sa rebelasyon ni Ruffa.
Hugyaw!
Giablihan na sa ABS-CBN ang gihimo niining world-class soundstages sa San Jose del Monte, Bulacan. Magamit kini isip production facilities and studios sa upcoming Kapamilya projects.”We want to bring ABS-CBN content to the international stage, and having a state-of-the-art facility and a world-class production team is a big step for us towards that direction and dream,” sigon pa ni ABS-CBN president Carlo Katigbak.