Kutob ra sa Top 8

CEBU, Philippines — Gikoronahan isip Miss Earth 2018 ang Miss Vietnam nga si Phuong Khanh Nguyen samtang kutob  ra sa Top 8 ang pambato sa Pilipinas nga si Celeste Cortesi. Mao kini ang labing unang higayon nga nakadaog ang nasud sa Vietnam sa maong prestiyohosong indigay. Nahitabo ang coronation night niadtong Sabado didto sa SM Mall of Asia Arena.

Susama sa  KathNiel

Gipaambit sa Megastar Sharon Cuneta nga kung unsa ka sweet silang Kathryn Bernardo ug Daniel Padilla karon isip manag-uyab, ingon ana sab sila ka -sweet kaniadto ni Richard Gomez sa dihang  uyab pa sila. Nagpares karon silang Sharon ug Richard sa  ilang reunion movie nga "Three Words to Forever".

Malipayon ang love life

Gipasigarbo sa former Miss Universe ug veteran actress Gloria Diaz nga bisan edaran na siya, malipayon ug mabulokon gihapon iyang love life karon diin 21 years na silang nag-uban sa usa ka banker nga si Mike de Jesus. Si Mike ang nakarelasyon ni Gloria human sila  nagbuwag sa iyang ex-husband nga si Bong Daza, kinsa amahan ni Isabel Daza.

Gipaabot ang ratings

Nilugwa sa niaging gabii ang bag-ong Kapamilya Regine Velasquez sa programang Rated K ug Gandang Gabi Vice. Giatngan karon sa supporters ug bashers ni Regine ang ratings sa iyang paglugwa sa maong mga programa. Kahinumduman nga base sa AGB Nielsen, natsugi sa rating game ang mga ABS-CBN programs nga gilugwaan ni Regine sa niaging semana.

Hugyaw nga gift

Gisuprisa sa Kapamilya heartthrob James Reid ang uyab nga si Nadine Lustre atol sa birthday niini pinaagi sa pagpasakay og mahalon nga sakyanan padulong sa usa ka venue diin adto sila mag-date. Si James mismo ang nag-drive sa sports car nga Ferrari 488 Spider nga gikatahong birthday gift niini ngadto kang Nadine. Nakantidad ang sakyanan og PHP25-27 million.

Excited na

Nagpanikad na ang aktor nga si Paolo Contis nga makakita sa labing unang anak nilang LJ Reyes. Gibana-bana nga manganak ang aktres karong  Enero 2019. Kahinumduman nga may duha ka anak si Paolo sa unang asawa niini nga si Lian Paz ug may anak sab si LJ ngadto kang Paulo Avelino.

Si Tony na gyud kaha?

Nanggawas ang tsismis nga ang Kapamilya hunk Tony Labrusca na ang leading man ni Liza Soberano sa  pelikulang Darna. Apan wala pa nihatag og kumpirmasyon ang ABS-CBN sa maong taho. Hangtod karon wala pa gyu'y fnal nga petsa kung kanus-a ipasalida ang Darna.

Gikilig

Gikilig ang  Kapuso actor-singer nga si Mikoy Morales human nakahibalo nga daw pirme siyang ikumpara ni Thea Tolentino ngadto sa mga nangulitawo niini nga mga laing artista. "Nakakagulat lang, kasi hindi ko alam na may ganun pala. Apat na taon din kaming may relasyon at hindi mo basta-basta maiaalis yun sa buhay mo,"asoy pa niini.

Murag wala lang

Human nibuto ang isyu nga nakahiagom og physical abuse si Janella Salvador gikan ni Elmo Magalona, nilugwa ang duha sa usa ka concert didto sa Canada niadtong Nobiyembre 2. Sa nanggawas nga video, nag-duet ang duha sa awit nga "Born For You", tataw nga pinugos ang gipakita nga sweetness sa duha ngadto sa ilang fans.

Gisurpresa ni Ellen

Gipaambit ni Marcelito Pomoy nga gisurpresa siya ni Ellen Degeneres og usa ka meet and greet ngadto kang Celine Dion. Nakadawat og standing ovation si Marcelino atol sa pag-awit niya sa “Beauty and the Beast” ug “The Prayer". "Bibigyan daw ako ng ticket para maka-meet and greet (si Celine) at baka sakaling maka-kanta pa ako dun,”paambit pa niini.