Steffi Rayna Gyud!

CEBU, Philippines — Wala gyud masayop ang kadaghan nga misaksi sa tinuig nga prestihiyoso nga lokal nga indigay sa kaanyag didto sa Grand Ballroom sa Waterfront Hotel and Casino niadtong Biyernes sa gabii gumikan kay ang pambato sa Mandaue City nga si Steffi Rose Aberasturi gyud mao ang nahimong Binibining Cebu karong tuiga.

Ang 23- anyos nga beauty queen mao karon ang midawat sa dakong katungdanan isip maoy mopadayon sa mga nasugdang buhat ni Binibining Cebu 2017 nga si Apriel Smith.

Mipatigbabaw gyud ang kaanyag ni Aberasturi batok sa 52 ka mga maanyag nga mga kababayenhan nga mga pambato sa nagkadaiyang lungsod ug dakbayan sa tibuok Sugbo.

Dili na bag-o si Steffi sa kalibutan sa indigay sa kaanyag sanglit nidaog na siya kaniadto isip Miss Mandaue, Sinulog Festival Queen ug Reyna ng Aliwan. Print, commercial ug ramp model usab si Steffi.

Samtang duha ka hugna ang tinaktakay nga nahitabo. Gihashasan ang 53 ka mga kandidata ngadto sa 25 base sa ilang performance sa nagkadaiyang pre-pageant activities ug grado gikan sa organizing committee. Nagtigi ang 25 ka mga kandidata pinaagi sa swimsuit competition, ug gipili ang Top 12.

Ang nahimong Top 12 nga nagsul-ob og evening gowns nga mugna sa world-class designer ug usa sa mga organizers nga si Cary Santiago, nagtigi pinaagi sa  Q and A nga gibahin sa duruha: casual ug difficult.

Ang unang pangutana matubag lang sa mga kandidata sulod sa 30 ka segundo.

Giagik-ikan lang og tubag ni Aberasturi ang pangutana,“ What makes you blush?”

“What makes me blush to be honest is every time I see my boyfriend. It always reminds me of first love of sight. That makes me blush”, tubag pa ni Aberasturi.

Alang sa final question, gihatagan ang matag kandidata og usa ka minuto sa pagtubag sa pangutana nga, “What quality of a Cebuana is important to you and how can you use it to make Cebu a better place?”

Si Aberasturi nitubag: For me the best quality of being a Cebuana is someone who has the compassion. I believe that I can make a difference not just in my life but to the thousands and millions of people out there. I can make a difference through touching them, inspiring them, generating love. That is important for me: compassion. Through compassion, I can help many people. That is the main reason why I am here”, tubag ni Aberasturi.

Gawas sa titulo ug korona, nakadawat sab siya og P500,000 cash ug P300, 000 in kind. Makadawat sab og P200,000 ang munisipalidad nga iyang gidala.

Dakong kalipay ni Aberasturi nga siya mao ang nahimong rayna karong tuiga gumikan kay naghinam-hinam na siya nga masugdan ang iyang plano  sa pagtabang sa mga kaigsuonan nga nanginahanglan.

Mapasalamaton sab si Aberasturi tungod sa pagsalig ug mainiton nga suporta nga iyang nadawat sa mga tawo nga nagpaluyo sa iyang kadaugan.

“My heart is really pumping with happiness. I’m really happy and I worked so hard for this and I thank God for everything. And I dedicate this crown to all my supporters for all the love they have given me” padayag pa ni Aberasturi.

Sa laing bahin, emosyonal sab nga gidawat sa single mom nga si Kim Covert ang titulo nga Binibining Cebu Tourism 2018 nga una nga gitipigan  ni Samantha Lo.

“It’s been so long since I was on a big stage. I’m a mom and i just feel so different. I am so so happy. I have proved to myself, to my son and to my family that I can still be back”, suma pa ni Covert.

Si Covert mao ang representante  sa Alegria.

Maangkon sab ni Covert ang ganti nga P300,000 cash ug P100,000 in kind. Aduna pay lain nga P150,000 cash alang sa iyang munisipalidad.

Puno sab sa kalipay nga gidawat sa mibarog alang sa bandera sa Madridejos nga si Tracy Maureen Perez ang titulo nga Binibining Cebu Charity 2018 nga unang gihuptan ni Maria Gigante niadtong 2017.

“Finally, happy kaayo ko kay I got this title. I am excited to reach out to Madridejos. My advocacy is for the youth and for education and I am happy that Madridejos is starting it and I hope through my title we can  spread to neighboring municipalities first and hopefully to the whole Cebu”, saysay pa ni Perez.

Si Perez nga nisalmot na sa nilabay nga tuig,  makadawat og P200,000 cash ug P50,000 in kind. Dugang pa ang P100,000 cash nga alang sa Madridejos.

Ang bag-ong titulo nga Binibining Cebu Heritage 2018 mao karon ang gihuptan sa comebacking candidate sab  nga si Lou Dominique Piczon.

“I was really hoping nga makaabot ko’g Top 12 and finally I landed one of the crowns, your very first Binibining Cebu Heritage and I am feeling elated because I really do not want a repeat from last year”, matud pa ni Piczon.

Ang laing bag-o nga titulo nga mao ang Binibining Cebu Ecology 2018 mao ang naagkon sa representante gikan sa Borbon nga si Isabella Deutsch.

“It’s not yet sinking but it feels so grateful and I’m really honored to be part of the Top 5", suma pa ni Deutsch.

Nakadawat si Piczon og P100,000 nga ganti ug P75,000 alang sa Ronda samtang nakadawat sab si Deutsch og P50,000 nga ganti dugang pa ang P50,000 alang sa Borbon.

Mikumpleto sa Top 12 sila si Ivy Tapic sa City of Naga; Sharon Grace Angel sa Ginatilan; Sheena Balansag sa Medellin; Princess Donah Paraiso sa San Francisco; Mariah Gelina Lequin sa Bogo City; Kristine Gillamac sa Minglanilla; ug Dianne Padillo sa Cebu City North.

Dili sab mahimong malampuson ang maong indigay kun wala ang presensya sa mga adunay dako nga katungdanan nga mao ang mga hurado.

Gilangkuban kini nila ni international fashion designer Francis Libiran; Reina Hispanoamericana 2017 Winwyn Marquez; Executive Director sa Yahoo! Philippines nga si Ansor Or; Miss Asia Pacific International 2018 First runner-up Gabriela Palma; Pangulo sa First Standard Finance Corporation nga si Jacqueline Tan-Sainz; Chief Executive Officer sa ALV Group of Companies nga si Arnold Vegafia ug ang Pangulo ug Chairman sa board sa Cebu Doctors’ Group of Hospitals nga si Yong Larrazabal

Karong tuiga, giubanan sa ilado nga Fil- Am DJ nga si KC Montero ang  Miss Earth 2018 nga si Karla Henry isip mga host sa maong indigay.

Dugang pa nga mga nagpahugyaw og samot sa maong indigay mao ang mga lokal nga talent performers nga mao ang Cebu Philharmonic Orchestra, Bogo Rondalla, Lupon Anduyo Percussion Ensemble, Oh! Caraga, Jewel Villaflores, Luke Mejares, Missing Filemon, ug Primiero Acapella Group.